%4KO PAREKATZEA

 

Soldata eskala bikoitza dago erizaintzako laguntzaile, zeladore, administrazio laguntzaile eta administrarien kategorietan, beren lana lehen mailako arreta, ospitaleko arreta eta ospitalez kanpoko arretaren artean txandakatzen dutenen kasuan. Zergatik zigortzen dituzte kategoria horiek, lehen mailako arretara atxikita daudenean? Lanpostuaren tokiak ez luke soldata baldintzatu behar. Kategoria eta eginkizun berdinei, ordainsari berdina dagokie; beraz, atsekabe handia sortzen du ospitalean edo kanpoko anbulategi-kontsultetan lan egiten duten langileek beren kategoriari esleitutako ordainsarien %4ko osagarria izatea, lehen mailako arretan lan egiten dutenek ez bezala.

 

PRESTAKUNTZA ETA GAINJARTZEA LANGILE BERRIEN KASUAN

 

Etengabeko prestakuntzako benetako programa bat, administrazio-arloetako langileek beren eginkizunak bete ahal izan ditzaten, zentroan bertan eta lan-ordutegian jasotako prestakuntza barne.

Aldez aurretik prestakuntza egokia ematea behin-behineko eta ordezko langile berriei. 2 eguneko gutxieneko gainjartze praktikoa Zentroan, erabiltzen diren prozedurak eta programa informatikoak irakasteko ardura duen titularrarekin.

Prestatzaile gisa aitortzea, horretarako denbora eta espazioa izanda.

 

LANGILEEN RATIOA ETA GEHIKUNTZA ADMINISTRAZIO-ARLOETAN

 

Proposatzen den ratioa, hasiera batean, 3:3:2 da. OTIetan (osasun txartel indibidual) zenbatuta,  gutxi gorabehera, 2.250 erabiltzeko, administrari bat da. Ratio hori Lehen Arreta Taldean lan egiten duten profesionalei dagokie; ez dira Call Centerreko langileak sartzen. Lanpostu berriak kode berriei dagozkie, eta ez aldi baterako ondoz ondoko kontratu bidezko lanpostuak finkatzeari; izan ere, orduan, ez litzateke benetako langile-kopurua handituko, nahiz eta egiturazko lanpostu kamuflatuen kodifikazioa ere egin beharko den.

 

KATEGORIA AITORTZEA

 

Gaur egun, ugaria da administrazio laguntzailearen kategoria profesionala, eta errealitatean, lanaren konplexutasunagatik, antzekoagoa da administrariaren kategoriarekin.

Ez daude definituta osasun-zentroko administrari batek bete behar dituen eskumenak; lehen mailako arretako administrazio-unitateetako langileen eginkizunak eta zereginak gero eta gehiago zabaldu dira, eta ez da jardun profesionalaren beraren ebaluazio egokirik egin.

Osakidetzan, mailaz igo nahi duten kudeaketa eta zerbitzuetako langileek bi egoera ezagunetara jotzen dute gehienetan, izendapen askearen bidez:

*Aldi baterako barne-sustapena eta *Goragoko kategoriako edo erantzukizun bereziko eginkizunak.

Egoera horiek denboran irauten dute, eta ez dute behar luketen birmoldaketarik izaten administrazio-kategoria batera, lanpostu horietan errealitatean betetzen diren eginkizunekin koherente izan daitezen.