Joan den irailaren 17an, ESK-k iragarri zuen epai batek, lehen auzialdian, Osakidetzako langile baten lanpostuan hartutako eta COVID-ak eragindako sekuelak lan-istriputzat hartzen zituela. Bada, jakinarazi digute ez Osakidetzak ez Mutualiak ez dutela epai horren aurkako helegiterik aurkeztu, eta, beraz, epai hori irmo bihurtu da.

Kutsatzea 2020an gertatu zen, Osasun Krisiaren garaian, bere funtzioak betetzen ari zela, eta epaian frogatuta geratu da infekzioaren kausalitate-erlazioa bere egungo osasun-egoerarekin.

Epaitegiek argi utzi behar izan dute denok genekiena; pozten gara azkenean aitortzeaz halako ondorioak zuzenean lotuta daudela lankideek egindako lanarekin, askotan babes-ekipo eskasekin, pandemiaren unerik okerrenetan.

Pozten gara bai Osakidetzak bai Mutualiak epai honen aurkako helegiterik ez jartzea erabaki dutelako, ESK-k eta langileak berak epaiketan planteatutako argudioak ontzat emanez.

ESK-k Osakidetzari dei egiten dio ondorio horiek lan-istripu gisa ez aitortzeko erabiltzen dituen baliabideak langileen osasuna babesteko erabil ditzan.