Barrualde-Galdakao,Ezkerraldea-Enkarterri-Cruces eta Bilbo-Basurtu ESIetako emaginak mobilizatu dira eta gaur, hilak 13, kontzentrazioa egingo dute 16:30ean, Osasun Lurralde Ordezkaritzaren aurrean, Bilbon, “Ordezkapenik gabeko emaginak, arretarik gabeko emakumeak” lemapean.

ESK erabat dator emaginen aldarrikapen historiko honekin, kalitatezko arretaren alde. Beharrezkoa eta premiazkoa da Osakidetza osoko plantilla behar bezala dimentsionatzea eta ordezkapen- kontratuak duintzea, langileak zaindu eta ihes egin ez dezaten.

Aurten ere oporraldia iritsi da, eta egoera larriagotu egin da, oporren estaldura dela-eta, eta ordezko langilerik ez egoteagatik lanaldiak luzatzeko mehatxua egin da. Ondorioz, langile guztiak prekarizatu egiten dira. ESK sindikatuak uste du lanaldi luzapen oro behar bezala konpentsatu behar zaiola langile orori. Hala ere, autokontzertazio deiturikoa ez da langileentzako inongo irtenbidea, Osakidetzak, epe motzean, egoera bat konpontzen baitu, langile faltaren arazo enkistatuaren behin betiko konponbidean sakondu gabe. Ezarri zenetik 20 urte baino gehiago igaro ondoren, autokontzertazioak ez du ez inoiz, ez inon, ezer konpondu.

Emaginen mobilizazio honen aurrean, batzuek auto-kontzertazioa aldarrikapen gisa bultzatzen dute; ESKk ezin ditu borroka-guneak partekatu peonaden ordainketa soilik bilatzen duen horrekin, are gehiago, autokontzertazioaren aldarrikapena erdigunean jarri nahi dutenean, deialdia egiten duten emaginetatik atera ez denean.

ESK sindikatutik argi utzi nahi dugu langileekin batera borrokatzen jarraituko dugula lan-baldintzak hobetzeko.

 

BORROKA DA BIDE BAKARRA!

2024ko ekainaren 6an egindako elkarteratzearen argazkia