Urgentziazkoa ez den garraio sanitarioaren kontratuaren esleipena bertan behera geratu dela aprobetxatuz, 'Lehendakari berria'ri eskatzen diogu garraio sanitarioaren zerbitzua publiko egin dezala kalitatezko zerbitzu baten eta lan-eskubideen mesedetan.

« Azpikontratatutako  langileak babesik gabe  eta zerbitzua prekarizatzen duten enpresen artean sartuta geratzen dira »

 

Euskal Autonomia Erkidegoko Kontratuen inguruko Errekurtsoen Administrazio Organoak (KEAO) ebatzi du Grup La Pau anbulantzia-enpresari Premiazkoa ez den Garraio Sanitarioaren kontratua (TSNU) esleitzea baliogabetzea, UGTk aurkeztutako errekurtso bat partzialki onartu ondoren.

Horrek esan nahi du berriro ere lizitazio-prozesura itzuliko dela, eta Eusko Jaurlaritzak erabaki beharko du, berriro ere, kontratua Grup La Pau taldeari eman ala ez. Horren gainean, lan-ikuskaritzako zehapen ugari daude, eta gaur egun langile guztiak mehatxatzen ditu, zuzendariak izan ezik, % 12,5eko soldata-jaitsierekin eta aparteko ordainsaria ez ordaintzearekin.

 

Eusko Jaularitzaren erabakia

Beste behin ere, Eusko Jaurlaritzaren azpikontrata bateko langile-masa babesik gabe geratzen da eta zerbitzua prekarizatzen duten enpresen artean sartzen da, erabiltzaileei eraginez; arduragabeak dira enpresa-kudeaketan, eta langileak kaltetzen dituzte, baina EAJk eta PSOEk enpresa pribatuei oparitzen dieten diru publikoarekin irabazten dute, publikoa pribatizatzeko duten politikarekin.

ESK-k Alberto Martínez Osasun sailburu berriari eskatu dio, 'Lehendakari berria'k dioen bezala, langileen begietara begiratzeko eta esateko bere Sailak beste aldera begiratzen duela La Pau enpresak bere langileen lan-baldintzak lehertzen eta prekarizatzen dituen bitartean; euskal herritarren begietara begira dezala eta esan diezagula bere Saila ez dela enpresa pirata honen kudeaketa txarraren erantzulea.

Beste behin ere, ESK-k azpimarratu du irtenbide bakarra Euskadiko anbulantzien zerbitzua publiko egitea dela. Osakidetzako azpikontrata guztien kudeaketa publiko eta zuzenaren alde egitea da gure osasun publikoa berreskuratzeko eta behar ditugun arreta-estandarretara eramateko bide bakarra.