Gure kide Roberto Sánchezek, Debagoieneko Ospitaleko mediku anestesistak (Osakidetzako EPEko irregulartasunak salatu zituenetako bar) ospitalea utzi behar izan du zuzendaritzaren presioengatik.
« Debagoieneko langileok salatu nahi dugu Zuzendaritza honek bere plantillari egiten dion estortsio sistematikoa »
Debagoieneko osasungintzako langileok salatu nahi dugu Zuzendaritza honek bere plantillari egiten dion estortsio sistematikoa, Osakidetzako Giza Baliabideen Zuzendaritzaren abalarekin eta bultzadarekin, zeinak profesional kualifikatuak gure ospitaletik ateratzea eragin baitu, eta erakusten baitu Osakidetzako kudeatzaileen mespretxua osasun publikoarekiko, langileekiko eta herritar guztiekiko. Debagoienak ezin du onartu konprometituta dauden profesionalak alde batera uztea, bere lanbidea bokazioz egiten dutenean, Zuzendaritzak zerbitzurako irizpideak presioz egiterakoan, aginduak ez betetzeagatik.
Azken astean, ordezkatzeko zailak diren bi espezialistek uko egin diete iraupen luzeko bitarteko kontratuei, urteetako presioaren eta jazarpenaren ondoren. Zerk eragiten du iraupen luzeko kontratu egonkorra duen langile batek bertan behera uztea? Zuzendari medikoarekin irekitako Gatazka Protokolo ugariek horren ideia bat ematen digute, bai eta bien uko-gutunek ere. Haiek dira Zuzendaritzak egiten dituen lan-tratu txarrengatik eskualdetik alde egin duten osasun-langileen zerrenda luze bateko azkenak. Zenbat profesionalek utz dezakete gure zonaldea? Osakidetza jarrera horiekin ari al da gure eskualdean osasun publikoa desegiten? Eta, langile gisa, noiz arte eutsi behar diogu plantillak kudeaketa-estilo horri?
Debagoiena ospitaleko Zuzendari Medikoa kendu
Horregatik guztiagatik, Zuzendari Medikoa berehala kargutik kentzeko eskatzen diogu Osakidetzako Zuzendaritza Nagusiari, bailara hau Debagoieneko biztanleei laguntza duina emateko beharrezkoak diren giza baliabideez eta baliabide materialez hornitzeko neurriak har ditzan, eta ESIko langileei eta herritarrei dei egiten diegu astelehenean, hilak 6, 13:00etan, Ospitalearen aurrean protesta egiteko.
CCOO, UGT eta CSIF-ek langile publikoen baldintzak erabakitzen dituzte entzun gabe
Anbulantzia %100 publikoak Osakidetzan orain!
SAE eta TECNOS, VOX-ekin negoziatzen dute. Faxismoarekin ez da negoziatzen!
ESK-k kezka agertu du Eusko Jaurlaritzako Osasun Sailaren gezurrengatik
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48
Ametsak borrokatuz!