Euskal Herriko Justizia Auzitegi Nagusiak ontzat eman ditu Urduliz ospitaleko zerbitzu ez-sanitarioen pribatizatzearen aurkako ESKren argudioak.

Hilabete batzuk itxoin eta gero,  Euskal Herriko Justizia Auzitegi Nagusiaren epaiak atzera bota du Osakidetzaren errekurtsoa eta ontzat eman ditu pribatizatzearen aurkako ESKren argudioak.

Duela bi urte Osakidetzak Urduliz ospitaleko sukalde, garbiketa saila, plantxa, mantentze-lanak eta mihiseria. Erabaki pibratizatzaile honen aurka ESK-k salaketa bat sartu zuen Euskal Autonomia Erkidegoko Kontratuen inguruko Errekurtsoen Administrazio Organoan (EAEKIEAO), Funtzio Publikoko Mahai Nagusiaren akordioak eta Osakidetzako Akordio Araultzailearenak urratzen baitizuen. Akordio horietan Darpon jaunak esparru edo zerbitzu berriak ez kanporatzeko konpromisoa hartu zuen eta kanporatuta zeudenak lehengoratzeko.

EAEKIEAOren erantzuna biribila izan zen. Arrazoia eman zigun eta sukaldea, mihiseria, plantxa eta garbikuntza pribatizatzeko lizitazioak bertan behera bota zituen, Osakidetzak Funtzio Publikoko Mahai Nagusia eta Osakidetzako Akordio Araultzailearen erabakiak urratzen zituelako. Hala ere Osakidetzak administrazioarekiko auzi-prozesuaren bidetik jotzea erabaki egin zuen.

Prozesu honetan ESK-k tinko eutsi egin dio Urduliz publiko %100ean irekitzearen alde. Tinkotasun horrek Osakidetzaren nahiari aurre egitera eraman gaitu, inor gabe, lizitazioak bertan behera uztearen kautelazko etetea lortzeko nahiari, EAEKIEAOren erabakiak saihesteko asmoz.

Azkenik, Justizia Auzitegi Nagusiak epaia eman du ESKri arrazoia emanaz eta Osakidetzari adierazi dio sukaldea, mihiseria, plantxa eta garbikuntza zerbitzuak ezin dituela pribatizatu, eta ondorioz bere listetatik langileak hartu behar dituela. Epaia oso garrantzitsua da honakoengatik:

• Osakidetzak beste zerbitzuak pribatizatzeko irrikei eusten dielako, berehala irekiko den Eibarreko ospitaleko zerbitzuak alegia.
• Balorea ematen die garbikuntza eta sukaldeetako langileei prozesu sanitarioetan, hainbat ikerketa objektibuk adierazten duten bezala diotenean tratamendu medikuen kalitatean, hobekuntzan eta eraginkortasunean hauek duten garrantzia azpimarratzen dutelarik, baita garbiketaren eraginak zentro publikoetako heriotza-tasan duen eragina.

ESK oso pozten da zerbitzu hauen kudeaketa publikotasunean eta bertako langileekin egitean lagundu izanagatik. Batez ere aukera merkeago bat delako eta langileen baldintzak duinagoak direlako. Eta sinatutako akordioekin adeitsuago delako.