Arabako Correoseko langileek mobilizazioei ekingo diete makineria zaharra konpondu edo berritzeko eta lanpostuak langile nahikoekin betetzeko laneko arriskuak saihesteko.

« Gure lan-osasuna eta osasun fisikoa  funtsezkoak dira  »

Arabako Correosen bizi dugun egoera tamalgarria da: gure lan-baldintzen narriadura, mantentzean gabeziak eta lan-osasunaren arloan arriskuen prebentzio falta.

LABek eta ESK-k batzarrak egin genituen plantillarekin, eta sinadura-bilketa bat hasi genuen gure aldarrikapenekin Enpresari aurkeztu zaiona. Aldi berean, CCOO eta UGT gonbidatu ditugu kanpaina honetan parte hartzera, baina ez dugu erantzunik jaso.

Aldarrikapenak

Hauek dira gure aldarrikapenak:

• Plantilla nahikoa behar diren lanpostuak betetzeko.
  
  
• Laneko arriskuak benetan ebaluatzea eta horiek konpontzeko behar diren bitartekoak jartzea.
  
  
• Erabiltzeko moduan ez dauden makina zaharrak konpondu edo berritzea.

Aurrerapausu bat

Orain beste urrats bat ematea dagokigu, ASKI DA esan eta gure lan-osasuna eta osasun fisikoa funtsezkoak direla argi uztea. Horretarako, KONTZENTRAZIO baterako deia luzatzen dizuegu azaroaren 8rako Posta kalean 12:00etan. Mobilizazio honen bidez, bizi dugun egoera prekarioaren berri eman nahi diegu herritarrei, eta enpresari negoziatzeko presioa egin nahi diogu.