CEAReko zuzendaritzak ez dizkie bere langileei Esku-hartze Sozialeko hitzarmen probintzialak aplikatzen; horren arabera, plantillek 5.000 euro inguru gutxiago kobratzen dute urtean... bitartean, goi-kargudunek soldata igotzen dute. Otsailaren 21ean lanuzteak eta mobilizazioak hasten dira.

« CEAReko langileek batzarrean  lanuzteak eta mobilizazioak  hastea erabaki dute »

CEAReko langileek batzarrean lanuzteak eta mobilizazioak hastea erabaki dute. Zuzendaritzak uko egin dio Arabako, Bizkaiako, Gipuzkoako eta Nafarroako Gizarte Esku-hartzearen Hitzarmenean jasotako baldintzak aplikatzea onartzeari, hobekuntza ekonomiko nabarmenak dituena langileei aplikatzen zaien Enpresa Hitzarmenari dagokionez. Hori dela eta, urteko batez besteko soldata-aldea 5.000€ ingurukoa da sektoreko gainerako enpresa eta erakundeekin alderatuta, eta diskriminazio hau onartezina da, are gehiago diskriminazio sozialen aurka eta pertsona guztien eskubideen alde borrokatzen duen kolektibo bati eragiten dionean.

CEAR-ek negoziatzeari uko

CEAReko zuzendaritzak uko egin dio probintziako hitzarmenen baldintzak akordio batean barne hartzen dituen negoziazio bati ekiteari, eta, ondoren, bihar, otsailaren 21ean, 12:00etatik 15:00etara lanuztea egingo da, Estatu osoko CEAReko langileen ordezkaritzak deitutako lanuztearekin bat eginez. Era berean, zuzendaritzak aurreko hilean zuzendaritza- eta erantzukizun-postuetarako onartutako soldata-igoera diskriminatzailea salatuko da, igoera hori gainerako langileei ez dietelako aplikatuko.

Otsailak 21 greba eta mobilizazioa

Otsailaren 21ean, asteazkena, CEAReko langileak grebara atera eta mobilizatuko dira:

• Araba: 12:30ean Gasteizko bulegoko eta Langraizko harrera-zentroko langileek elkarretaratze bat egingo dute Gasteizko Trenbide kaleko 8an dagoen egoitzan.
• Bizkaia: 12:00etan Bilboko Baiona Kalea 1ean.

CEARen diskriminazioaren aurka eta Arabako, Bizkaiako, Gipuzkoako eta Nafarroako esku-hartze sozialaren hitzarmenak aplikatzearen alde!

Borroka da bide bakarra!