Uste dugu De Miguel kasua EAJk administrazio publikoetan ezarri dituen sistema klientelarren izebergaren punta dela. Sare horren salatzaileari babesa eta elkartasuna adierazteko mezua helarazten diogu.

« De Miguelen kasua EAJren sistema klientelarren  izebergaren punta da  »

ESK-tik, eta Alfredo de Miguel espetxean sartu dutela jakin ondoren, hainbat gogoeta egin nahi ditugu:

1. Gure ustez, hau bezalako kasuetan, Justizia eredugarria izan behar da; gizarte demokratiko batean, administrazio publikoetako berdintasun- eta gardentasun-printzipioek funtsezkoak izan behar dira.
   
   
2. De Miguelen kasua EAJk administrazio publikoetan ezarri dituen sistema klientelarren izebergaren punta baino ez da, eta Hazi fundazioa ez doa atzetik. Duela gutxi, ESK-ko Atal Sindikal honetara iritsi zen Eusko Legebiltzarretik plantilla osatzen duten pertsonen soldatei eta osagarriei buruzko informazioa, eta lizuna iruditu zitzaigun langile horiek enpresa publiko batean duten bolumena, bai eta konfiantzazko karguen kopurua ere. Hori dela eta, horri buruzko informazioa eskatu diogu enpresari, eta erantzunaren zain gaude.
   
   
3. ESK erabat kontziente da sistema klientelar horiek ezabatu ahal izango direla soilik publikoki salatzen dituzten pertsonen bultzadarekin eta erabakiarekin; inork ez dezala zalantzan jar salaketa horretan ESK-ren babes osoa izango dutela, hala frogatu dugu aurrekoetan, hala nola gure lankideek Osakidetzako LEPean egindako salaketan.

ESK-k babes eta elkartasun mezua helarazi nahi dio sare honen salatzaileari; bere erabakia eta kemena adibide gisa baliagarriak zaizkigu gure administrazio eta enpresa publikoen eguneroko zereginean jarraitu behar duten berdintasun, merezimendu, gaitasun eta gardentasun printzipioak defendatzen jarraitzeko.