Grebarako arrazoiak soberan daudela uste dugu eta maiatzaren 18ko eta 19ko deialdia babesten dugu, nahiz eta presioa denboran zehar mantendu beharko litzatekeela uste dugun.

«  Mobilizazio jarraituen eta iraunduen  aldeko apustua egiten dugu »

Osasun Sailak, Gotzone Sagardui buru duela, entzungor egiten dio Osakidetzaren desegite sistematikoaren aurkako aldarriari , eta horregatik ESKk uste du grebarako arrazoiak soberan daudela eta maiatzaren 18an eta 19an egingo den deialdia babesten du.

Gure ustez, oso deialdi mugatua da, eta ez du Osakidetzaren benetako arazoetan jartzen arreta; gure ustez, gure Lehen Arretan jarri behar du arreta, herritarren osasuna bermatzeko funtsezkoa den Lehen Arretan, osasun-zerbitzu publikoen pribatizazioari behin betiko amaiera emango diona.

Eta Osakidetzako langileek lan-baldintzetan pairatzen duten prekarietatearekin bukatuko duena. Egoera honek, azken finean, herritarrek jasaten duten arretaren kalitatearen galera dakar. Herritarrek ezin dute ulertu Euskadiko "Koroaren Altxorra"n ezin direla heuren osasun-zentroetan edo EAGetan artatuak izan langilerik ez dutelako edo arreta-ordutegia murriztu dutelako joan behar dutelako.

Langileei ahotsa eman

ESK sindikatuak uste du greba oinarritik landu behar dela, plantillei ahotsa emanez, mobilizazio jarraituak eta iraunkorrak eginez, eta, beraz, gainerako sindikatu, auzo-plataforma eta -elkarteekin borrokatzen jarraituko dugu, beharrezkoa den guztietan osasun publikoa, unibertsala eta kalitatekoa lortzeko.

Maiatzaren 18 eta 19an grebara!