Osakidetzak bere baldintzak ezarri ditu plantillarekin kontatu gabe eta Langileen Batzordearekin negoziatu gabe. Hori dela eta, Arabako landa-eremuko Lehen Arretako plantilla grebara joango da apirilaren 27an.

« Osakidetzak alde batera utzi ditu langileen proposamenak eta  landa-eremuko herrietan  arreta suntsitzearen alde egin du »

SATSEk, SMEk, ESK-k, LABek, UGTk, CCOOk eta SAEk grebarako deia egiten dugu Arabako landa-eremuko Lehen Mailako Arretan, apirilaren 27an.

Osakidetzaren ezarpena

Osakidetzaren inposaketaren aurrean, Arabako Landa Eremuko langileak 2023ko apirilaren 27an joango dira grebara.

Araba ESIko Zuzendaritzak bere baldintza drakoniarrak ezarri ditu. Enplegu publikoan behin- behinekotasuna murrizteko premiazko neurriei buruzko legea aitzakiatzat hartuta, Iceta Legea, ez du lantaldea kontuan hartzen eta ez du Arabako Lehen Mailako Arretako Langileen Batzordearekin negoziatu nahi, langileen ordezkaritza-organo unitarioa dena.

Hori dela eta, mobilizazioari ekin zioten, eta Batzordean ordezkaritza duten sindikatu guztien, hainbat herri-plataformen eta inguruko hainbat udalen babesa jaso zuten. Dena den, Zuzendaritzak ez die jaramonik egin, eta konfrontazioa baino ez du ulertzen.

Osakidetzaren jarreraren aurrean, batasuna

Langileek mobilizazio prozesu horretan beste urrats bat ematea erabaki dute, eta hilaren 27an grebara modu bateratuan joatea; batasun horrek ELAk alde bakarrez eta modu desleialean hautsi du, eta bereizita egin du deialdia. SATSE, SME, ESK, LAB, UGT, CCOO eta SAE sindikatuek uste dugu ELAren erabakiak desleialki hausten duela batasuna eta borroka bateratua ez duela onartzen. Gure ustez, interesa landa-eremuko langileen kolektiboaren eta herritarrei eskaintzen zaien arretaren alde egitea da, etekin partikular bat lortzea baino gehiago.

Lan-baldintza egokiak defendatzea, herritarrei kalitatezko osasun-zerbitzu publikoak bermatzeko. Osakidetzak, ordea, langileak alde batera uztea erabaki du. Alde batera utzi ditu langileen proposamenak, eta landa-herrietako arretaren desolaziorako ibilbide-orriarekin jarraitu du.

Jarrera horren aurrean, langileek greba egingo dute apirilaren 27an. Landa eremuko Lehen Mailako Arreta jasaten ari den prekarizazioa salatzeko eta kalitatezko zerbitzu publikoak
defendatzeko.