Batasunatik lan egin dezagun gure Osasun Publikoaren defentsan. Osakidetzako langileak, gizarte-erakundeak eta, oro har, herritarrak otsailaren 25eko manifestazioetan parte hartzera animatzen ditugu.

«  Osakidetzaren jarrera agintzailearen aurrean,  batasuna inoiz baino beharrezkoagoa da  »

Osakidetzan ordezkaritza duten sindikatu ezberdinek otsailak 25eko hurrengo larunbatean deitutako manifestazioaren aurrean, ESKk adierazten du, era ulertezinean, baztertua izan dela Osakidetzan duela 12 urte baino gehiagotik gelditutako hauteskunde-prozesuei ekitean izandako desberdintasunengatik.

Batasuna funtsezkoa da

Eskubide eta aldarrikapenen defentsan langile guztien inplikazioa lortzeko, ekintza sindikaleko batasuna ezinbestekoa ulertu dugu beti, eta horrela ulertzen jarraitzen dugu ESK sindikatuan.

Osakidetzaren jarrera agintzailea, edozein negoziazio-zantzu sistematikoki ukatzea, gure eskubideetan murrizketak ezarri eta pribatizatzeko ahaleginean sakontzea... Batasuna inoiz baino beharrezkoagoa da garai hauetan.

Batasunak gizarte-erakunde guztiak bere barruan hartu behar ditu. (mugimendu feminista, pentsiodunen mugimendua, auzo-elkarteak, osasunaren aldeko plataformak, etab.). Horiekin guztiekin lan egin behar dugu Osakidetzan dauden sindikatuok, gure Osasun Publikoa, oro har, eta gure Lehen Arreta, bereziki, defendatzeko.

Otsailak 25 manifestazioak

Horregatik, ESK-k ahalik eta mobilizazio pluralenak bultzatzen eta defendatzen jarraituko du, langileen eskubideen eta gure osasun publikoarekin alde egiten duten agente guztiekin.

Ildo horretatik, ESKtik langile guztiak animatzen ditugu datorren larunbatean, otsailaren 25ean, 12:00etan, Donostian, Gasteizen eta Bilbon egingo diren manifestazioetan parte hartzera.