Epaile batek Osakidetzari esan dio osasun-zerbitzu publikoaren pribatizazioa ez kamuflatzea, berregituraketa teknikoak edo antolakuntzakoak balira bezala.

 

Osakidetzaren pribatizazioa

 

« Ekonomia-aurrezkia ezin da aitzakia izan funtzionatzen duten eta  bizitzak salbatzen dituzten zerbitzuak desmuntatzeko  »

 

Justiziak jarri behar izan du bere lekuan Sagardui sailburuak zuzentzen duen Osasun Saila. Zartada gogorra izan da; ziur gaude kontseilaritzaren, lehendakaritzaren eta aholkularitza-enpresa pribatuen arteko deiak ugariak izan direla azken egun hauetan. Zer gertatu da? Galdetuko diote heuren buruei…

 

Pribatizazioa kamuflatua

Bada, gertatu dena da epaile ausart batek idatziz jarri duela ESK-k eta sindikatuok hamarkadetan salatu duguna. Garrantzi eta izaera politikoko erabakiak ezin dira berregituratze tekniko edo antolaketazkotzat hartu.

EAJk eta PSEk “lankidetza publiko eta pribatura” zabaldu nahi badute, edo, bestela esanda, osasun publikoa pribatizatu nahi badute, beren hauteskunde-programetan ohartarazi dezatela. Bien bitartean, abstenitu daitezen. Eta noizbait Osakidetza merkatuaren esku jartzeko tentazioa badute, pasa daitezela parlamentutik.

 

Bizitzak salbatzen dituzten zerbitzuak

ESKtik epailearen hausnarketa txalotzen dugu, ekonomia-aurrezkia ezin da aitzakia izan funtzionatzen duten eta bizitzak salbatzen dituzten zerbitzuak desmuntatzeko, Basurtoko Bihotzeko Kirurgia kasu.

Nolanahi ere, Basurtun gertatu dena beste atal bat besterik ez da gobernu neoliberal honen ekiteko moduan, kapital handiak, kasu honetan nazioz gaindiko aholkularitza-enpresa handiek, agintzen duenera baitago.

ESIen sorrera lehen arretarako suposatu duen hondatzearekin, Urdulizekoa bezalako pribatizazioak (azkenean ESKk geldiarazi zituen arren), itxaron-zerrenden negozioa, Osakidetzaren digitalizazioa, kontratazio-zerrenden kudeaketa… negozioa, negozioa, negozioa.

 

Kalitatezko zerbitzu publikoak bermatu!

 

Osakidetzaren garbitzaileen protestak gogortzen dira

Osakidetzak azpikontratatutako garbiketa-plantillek protestak gogortuko dituzte enpresen eta Osakidetzaren jarrera iraingarriaren aurrean, lehendik zuten homologazio-eskubidea kendu nahi baitiete. Irakurri

Emergentziak Osakidetza mobilizatzen da Langraizko SVAm-ko eskubideen alde

Osakidetzak bere baldintzak nahi ta nahi ez ezartzen jarraitzen du Araban balizko Anbulantzia medikalizatuaren ezarpenean. Maiatzaren 16an, asteazkena, elkarretaratzea Osakidetzaren Irakurri

Osakidetzan soberan daude greba egiteko arrazoiak

Grebarako arrazoiak soberan daudela uste dugu eta maiatzaren 18ko eta 19ko deialdia babesten dugu, nahiz eta presioa denboran zehar mantendu Irakurri

Erabateko arrakasta Arabako landa eremuko Lehen Arretako greban

Greba honen arrakasta Arabako ESIaren Zuzendaritzaren aldetik jasotzen duen etengabeko tratu txarrak sortzen duen ondoezaren ondorio da. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30