Euskadiko Osasun Garraioko Sareko Azpikontratek euren langileekin zituzten zorrak ordaintzera kondenatu dute Eusko Jaurlaritza.

« Epai hau Eusko Jaularitzak  gainbegiratzeko eta bermatzeko  duen erantzukizunaren erakustaldia da »

ESK-k salatu egiten ditu Eusko Jaurlaritzak azpikontratatutako enpresa pribatuen etengabeko zabarkeriak; izan ere, enpresa pribatuek askatasun eta zigorgabetasun osoa dute langileen oinarrizko eskubideak urratzeko, eta, horrez gain, ez dituzte ordaintzen haiei dagozkien soldatak.

Euskadiko Garraio Sanitarioaren Sarea

Horren adibide argia da Euskadiko Garraio Sanitarioaren Sarea osatzen duten enpresa azpikontratatuekin gertatutakoa: 2019ko abenduaren 31n utzi zuten zerbitzua, eta soldatarik eta bestelakorik ordaindu gabe utzi zuten.

Astakeria horren aurrean, plantillaren mobilizazioez gain, ESK-k, gainerako sindikatuekin batera, zegozkion demanda judizialak aurkeztu zituen. Gainera, ESK-k Eusko Jaurlaritza salatu genuen erantzule subsidiario gisa; izan ere, uste dugu plantillaren arazoen aurrean duen pasotismo argia ez dela onargarria, enpresa piraten ugaritzea bultzatuz, haien etekinak gure eskubideen kontura baino bilatzen ez dituztenak, eta herritarrei eman behar diegun zerbitzuaren kalitatea murriztuz.

Eusko Jaurlaritza, azpikontraten erantzule solidarioa

Bada, Euskal Autonomia Erkidegoko Justizia Auzitegi Nagusiaren 2022ko martxoaren 1eko 437/2022 Epaiak arrazoia ematen digu, eta Eusko Jaurlaritza kondenatzen du erantzule solidario gisa; azken batean, demandako zenbatekoak ordaindu behar ditu.

ESKren ustez, epai hori Eusko Jaurlaritzak azpikontratatzen dituen enpresek indarrean dagoen legedia betetzen dutela gainbegiratzeko eta bermatzeko duen erantzukizunaren legezko erakustaldia da, eta, gainera, herri honetako herritarren eskubideen kontura egiten duen pribatizazio-politikaren hondamena da.