Grupo 5-k lizitazioa arautzen duen plegua nahi bezala interpretatzeaz gain, oraingoan urrats bat harago joan da eta ez betetzea erabaki du.

« ESK-k, langileekin batera, prest dago  lanean jarraitzeko , langileen lan-eskubideak errespeta daitezen eta erabiltzaileek zerbitzurik onena izan dezaten »

Beriaingo Eguneko Zentroak urteak daramatza Grupo 5, acción y gestión social enpresari esleituta. Enpresa horrek zentroa esleitu zuenetik, langileek hauen murrizketak eta zabarkeriak jasan dituzte.

Beste behin ere, funtsezko zerbitzuak direnak, zaintzaz arduratzen direnak, ez dituzte aintzat hartzen. Langileen kontura eta pertsona guztiok ditugun zainketa-beharretatik irabazi ekonomikoak ateratzea baino ez dute bilatzen halako enpresek, eta askotan hori egiten da gure eskaerei entzungor egiten dieten administrazioen konplizitatearekin.

Grupo 5 ez du plegua betetzen

Grupo 5-k lizitazioa arautzen duen plegua nahi bezala interpretatzeaz gain, oraingoan urrats bat harago joan da eta ez betetzea erabaki du. Joan den otsailaren 28an, Beriaingo langileetako bat oporrak hasi zituen, eta enpresak erabaki zuen langilea ez ordezkatzea; horrek esan nahi du lankideek lan-karga handiagoa dutela eta erabiltzaileen arreta okerragotu egiten dela.

Horren aurrean, ESK sindikatuak, Noaingo Zonaldeko Oinarrizko Gizarte Zerbitzuen Mankomunitatearekin harremanetan jarri zen, eta gertatzen ari zena salatu zuen. Hurrengo egunean, Mankomunitateak espedientea ireki zion enpresari, eta plegua betetzeko beharrezko neurriak hartzeko konpromisoa hartu zuen. Martxoaren 2an, asteazkenean, langilea ordezkatu zen.

Administrazioen gaitasuna

Horrek erakusten du administrazioen erantzukizuna ez dela soilik legezkotasuna betetzea, baizik eta, gainera, gatazketan esku hartzeko gaitasuna dutela, eta ez erantzun isila ematea.

Hori ez da Beriaingo eguneko zentroan irekitako gatazka bakarra, eta ESK-k, langileekin batera, prest dago lanean jarraitzeko, langileen lan-eskubideak errespeta daitezen eta erabiltzaileek zerbitzurik onena izan dezaten.