Bosgarren mobilizazio-eguna Arabako Esku-hartze Sozialaren sektorean, erakundeei finantziazio-bermeak eskatzeko, AISA patronalarekin hitzarmen duina sinatzeko.

Beste asteazken batez, Arabako Esku-hartze Sozialeko langileok mobilizatu egin gara, eta Arabako Foru Aldundiari, Gasteizko Udalari eta Eusko Jaurlaritzari finantziazio-bermeak eskatu dizkiegu, AISA patronalarekin hitzarmen duin bat sinatzeko.

Gaur, azaroak 17, eszenifikazio bat egin dugu, lehenik Probintzia Plazan, gero Andra Mari Zuriaren enparantzan, eta gero Udaletxe aurrean, non hainbat pertsona plastikozko hautestontzi batean sartu dira, pandemiak iraun duen bitartean langileek egoitza-zentroetan bizi izan dugun egoera irudikatzeko. Konfinatuak, norbera babesteko ekipamendu egokirik gabe, eta genituen gutxiak inondik inora nahikoak izanda, birusa gure etxeetara eramateko beldurrez, etengabe lan egiteko prest, maite dugun lana aurrera ateratzeko. Ez, ez ginen heroiak izan, funtsezkoak ginen eta funtsezkoak izango gara beti, txaloak jaso, baina ez zaigu gure lana aitortzen lan-baldintzei buruz hitz egiten dugunean; zentzu honetan ikusezinak gara. Tristea da dena kontu ekonomiko batera mugatzea, gu guztiontzat etsigarria dena.

Arratsaldean, berriz ere Posta Plazan bildu gara, eta paskinak banatu ditugu, gure egoera gure ondotik igaro diren pertsona guztiei azaltzeko. Gure gizarte-zerbitzuei buruz hitz egiten dugu, eta uste dugu oso garrantzitsua dela horri buruzko informazio guztia izatea.

Azkenengo bileratik hona, ez dugu AISAren berririk izan, datorren astelehenean, hilak 22, mahai negoziatzailea dugu. Urtea amaitzear dago eta gurea aurrera egiteko asmoa da, patronaletik ekartzen dizkigun asmoak ikusiko ditugu.

ELA CCOO LAB ESK UGT