Duela 10 urte baino gehiago ez direla hauteskunde sindikalik egin Osakidetzan eta egungo plantillari bere ordezkariak aukeratzeko legezko eskubidea kendu zaiola. Hauteskundeak orain.

Berriki, Gotzone Sagardui Osasun sailburuari Legebiltzarrean entzun diogu Osakidetzak EPE berri bat deituko duela eta mahai sektorialean negoziatzen ari direla.

Sailburuak eta Osakidetzako Zuzendari Nagusiak, Rosa Pérez Esquerdok, iritzi publikoari esaten ez diotena da mahai horretan esertzen diren sindikatuek ez daukatela inolako zilegitasuna.

«  Zer gertatuko litzateke Iñigo Urkullu lehendakariak Legebiltzarra desegingo ez balu eta  epetik kanpo  hauteskundeak deituko balitu? »

Azken hauteskundeak duela 10 urte baino gehiago

ESK-k gogorarazi nahi du duela 10 urte baino gehiago ez direla hauteskunde sindikalik egiten Osakidetzan, eta egungo plantillari bere ordezkariak aukeratzeko legezko eskubidea kendu zaiola.

Zer gertatuko litzateke Iñigo Urkullu lehendakariak Legebiltzarra desegingo ez balu eta epetik kanpo hauteskundeak deituko balitu? Eta Legebiltzarrak, desegin gabe, legeak egiten jarraituko balu, nola kalifikatuko genituzke lege horiek?

Datorren erantzuna “Estatu-kolpea” edo “herri-borondatearen usurpazioa” da; izan ere, ESK-rentzat horixe egin dugu sindikatuok Osakidetzan.

Egungo langileek aukeratu ez dituzten sindikatuak

Gaur egungo plantillak aukeratu ez dituen sindikatuek akordio garrantzitsuak negoziatu eta sinatzen dituzte, ez soilik plantillarentzako, baizik eta herritar guztientzat, hala nola Aldi baterako Kontratazioko Zerrendak Prestatu eta Kudeatzeko Akordioa edo etorkizuneko EPEaren oinarriak.

ESK-k Osakidetzako Zuzendari Nagusiari eta Mahai Sektorialean dauden sindikatu gehiengodunei eskatzen die lehenbailehen dei ditzatela ESI desberdinetako hauteskunde prozesuak, egungo plantillari ahotsa emateko.

Hala ez bada, ESKk prozesu horiek sustatuko ditu legitimitatea duen eremuetan.