Bilerak eskatu ditugu Eusko Jaurlaritzarekin, Eudelekin eta euskal alderdi politikoekin, zerbitzu publikoak indartzeko, enplegu publikoa sortzeko eta Euskal sektore publikoko behin-behineko 60.000 langile kontsolidatzeko.

 

Refuerzo del sector público y consolidadción del empleo público en Euskadi

 

Manifestazio jendetsua izan da Gasteizko kaleetan, sektore publikoaren behin-behinekotasun tasa handiei konponbide erreal eta berehalakoak eskatzeko eta zerbitzu publikoen pribatizazioaren amaiera eskatzeko.

 

Apirilak 22ko greba-egunaren ostean

ELA, LAB, CCOO, SATSE, ESK eta STEILAK sindikatuok deituta, sektore publiko osoan burututako mobilizazioen eta apirilak 22ko greba-egunaren ostean, Eusko Jaurlaritzak, instituzioek eta alderdi politikoek ez diete erantzunik eman sindikatuok eta greba eta mobilizazio horietan modu aktiboan parte hartu zuten euskal sektore publikoko milaka langileek egindako eskaerei.

Egoera horren aurrean, greba deitu genuen sindikatuok, bilerak eskatu ditugu gaur Eusko Jaurlaritzarekin, EUDELekin eta euskal alderdi politikoekin, haien esku dagoelako, eta ez beste inoren esku, zerbitzu publikoak indartzeko enplegu publikoa sortzea eta behin-behinekotasunaren gaitza pairatzen duten 60.000 langile baino gehiagori beraien enplegua kontsolidatzea.

Bilera eskaera horiek direla eta, manifestazio jendetsua izan da Gasteizko kaleetan, sektore publikoaren behin-behinekotasun tasa handiei konponbidea eskatzeko eta baita zerbitzu publikoen pribatizazioaren amaiera eskatzeko. Premiazkoa da behin-behinekotasunaren gaitza pairatzen duten 60.000 langile publiko baino gehiagoren enplegua kontsolidatzea, baita agintariek aitortzen ez dituzten milaka lanpostu azalaraztea ere.

 

Eusko Jaularitza erantzunik gabe

Eusko Jaurlaritzak, propaganda-adierazpenak alde batera utzita, langile horiek kontsolidatzeko benetako urratsik eman gabe jarraitzen du, eta, Europako behin-behinekotasun ranking altuenaren lehen tokian dagoen bitartean, pribatizazioaren aldeko apustuarekin jarraitzen du. Legebiltzarrean, Kidegoen eta Eskalen Lege Proiektuan barneratutako proposamen baten alde egiten jarraitzen du. Proposamen hori ez da nahikoa, eta behin-behinekotasunaren gaitza pairatzen duten langile gehienak bere aplikaziotik at uzten ditu. Ez Mahai Orokorrean, ez eta mahai sektorialetan ere, ez du enplegu publikoa kontsolidatzeko bidean aurrera egiteko borondaterik agertzen.

Gainerako erakundeei eta euskal alderdi politikoei dagokienez, egun ez dugu proposamenik ikusten hemen, gure herrian, zein zerbitzu publiko nahi eta behar ditugun erabakitzeko, eta euskal enplegu publikoa kontsolidatzeko.

 

Mobilizazioak aurrera

Maiatzaren 14an adierazi genuen bezala, ELA, LAB, CCOO, SATSE, ESK eta STEILAS sindikatuok helburu hori lortzeko beharrezkoak diren mobilizazioak eta greba-egunak bultzatzen jarraituko dugu. Gogoratu behar da, gaurko manifestazioaren ostean, ekainaren 1ean elkarretaratzeak deituko ditugula EAEko sektore publikoko lan zentru guztietan, eta ekainaren 5ean manifestazioak deituko ditugula EAEko hiru hiriburuetan.

 

La Pau anbulantzietarako zigor berri bat

Arabako Lan Ikuskaritzak 12.000 euroko zehapena jarri dio berriro Ambulancias La Pau enpresari, laneko arriskuen prebentzioaren arloko bi arau-hauste larri Irakurri

EAJren bezero-sareak administrazio eta enpresa publikoetan

EAJk gure administrazio eta enpresa publikoen inguruan ehuntzen dituen bezero-sareak Zerbitzu Publikoaren bokazioarekin zerikusirik ez duen kudeaketa-eredu baten erakusgarri dira. Irakurri

Grupo La Pauk iragarritako errefortzuz berririk ez

Ez dugu inolako errefortzuren berririk, eta, hala izan balitz, ez zukeen legerik beteko. Enpresa pirata honek kontratazio-agiriak bete behar ditu Irakurri

De Miguel kasua: enpresa publikoak eta klientelismoa Euskadin

Alfredo de Miguelen kasua porrot sistemiko baten froga da. Beste funtzionamendu mota bat eskatzen dugu euskal enpresa eta fundazio publikoetan. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28