Mobilizazioak hasten ditugu Araban, Bizkaian eta Gipuzkoan, enplegu publikoa sortzearen, aldi baterako enplegua finkatzearen alde eta behin-behinekotasunaren abusuaren aurka.
ESK, STEILAS, CNT, ELA, LAB, CCOO eta SATSE sindikatuek mobilizazio-dinamika bati ekin diogu, enplegu publikoa sortzearen alde, behin-behinekotasunaren abusuaren aurka eta aldi baterako enplegua eta hori pairatzen duten ia 60.000 langileak finkatzearen alde, apirilaren 22an Araba, Bizkaia eta Gipuzkoako sektore publiko osoan egingo dugun grebaren horizontearekin.
Martxoak 30 elkarretaratzeak
Datorren asteartean, martxoaren 30ean, apirilaren 22ko grebara deitu duten sindikatuok Euskal Autonomia Erkidegoko sektore publikoko langile guztiak mobilizatzeko deia egiten dugu. Horretarako, hogeita hamar bat kontzentrazio antolatu ditugu erakunde eta administrazio publiko nagusien aurrean:
- Osakidetzako ospitaleak eta osasun-zentroak
- Ikastetxeak eta EHU
- Foru eta Udal Administrazioa
- Eusko Jaurlaritza
Dinamika horren barruan, dei egiten dizuegu martxoaren 30ean elkarretaratzeak edo beste edozein ekimen egin ditzazuen zuen lantokiko atean, argazki eta/edo bideo bat egin dezazuen eta sareetara igo ditzazuen Hashtag honekin #ZerbitzuPublikoenAlde, #Kontsolidazioa eta #PribatizaziorikEz, eta multimediasindikala@gmail.com helbide elektronikora bidal diezazkiguzuen. Bildutakoekin collage polit bat egingo dugu, prekarietatea eta behin-behinekotasuna salatzeko gure zerbitzu publikoetan.
Elkarretaratze horien ondoren, beste mobilizazio eguna egingo dugu apirilaren 15ean, greba egunaren atarian.
Zerbitzu publikoen defentsa
Mobilizazio prozesu honen helburua oso argia da: ZERBITZU PUBLIKOAK DEFENDATZEA. Denbora luzea daramagu euskal zerbitzu publikoak nola ahultzen dutela ikusten, eta prozesu hori pandemia garaian ere ez da irauli.
Pribatizazioekin batera, langile publikoen kolektibo handiak behin-behinekotasun edo bitartekotasun baldintzetan mantentzea beste modu bat da herritar guztiei berdintasunezko arreta bermatzen dieten baliabide guztiak ahultzeko.
Egonkortasuna eta enplegu gehiago zerbitzu publikoak defendatzeko! Aski da, abusurik ez!!
Osasun mahai honetatik ez da Osakidetza indartzeko neurririk aterako
Eusko Jaurlaritzak autoritarismoa alde batera utzi eta lan-baldintzak hobetu behar ditu
Santiagoko larrialdiak, erabakimen handiko zentro bat?
Correosen eskubideak eta kalitatezko zerbitzua bermatuko dituen hitzarmen baten alde
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48
- 49
Ametsak borrokatuz!