Administrazio publikoetan behin-behinekotasunaren abusuaren kontrako eta enplegua kontsolidatzearen aldeko sindikalismo alternatiboaren manifestua.

Enpresa pribatuan baino behin-behinekotasun handiagoa

Sindikatu sinatzaileek zera adierazten dugu:

1. Klase-sindikatu gisa, kalitatezko zerbitzu publiko duinak defendatzeko konpromiso irmoa dugu, egungo sistema neoliberalak eragindako gizarte-desberdintasunak konpentsatzeko tresna baitira.
   
   
2. Zerbitzu publiko horiek enplegatu publikoen lanean oinarritu behar dute; lan horrek, oro har, dituen lan-baldintzak eta, bereziki, enpleguaren egonkortasuna ahalik eta gehien errespetatzea merezi du.
   
   
3. Nabarmena da, era endemikoan, administrazio publikoetan aldi baterako lanharremanak neurriz kanpo erabiltzen direla, eta, gaur egun, erabilera hori administrazio guztien artean %30 ingurukoa da. Behin-behinekotasun tasa hori sektore pribatukoa baino handiagoa da.
   
   
4.  Hori lortzen laguntzen dute, zalantzarik gabe, nahita edo nahigabe egindako langileen kudeaketa oso kaskarrak, bai eta birjarpen-tasaren mugek eta hautaketaprozesuen nolabaiteko konplexutasunak. Horren ondorioz, lan-eskaintzen deialdia
   eskasa da, eta, hala badagokio, behin-behinekotasuna egiturazko ehunekoetan mantentzeko beharrezkoak diren plazen eskaintza ere bai.
   
   
5. Hala eta guztiz ere, administrazio publikoak ez daude zerbitzu publikoen kudeaketaeraginkorra bermatzeko betebeharretik salbuetsita, ezta langileena ere; beraz, beharrezko langile egonkorrez hornitzera behartuta daude, legezkotasuna
   errespetatuz.
   
   
6. Eraginkortasunik eza egiaztatuta, ez dirudi legezkotasunarekiko errespetua erebermatzen denik. Egia da Estatuko botere publikoek ez dutela behar bezala egokitu Kontseiluaren 1999/70/EE Zuzentaraua, 1999ko ekainaren 28koa, EGK, UNICE EPEZren iraupen mugatuko lanari buruzko esparru-akordioari buruzkoa, enplegu publikoaren arloko barne-ordenamendura. Transposizio hori 2001eko uztailaren 10a baino lehen gauzatu behar zen.
   
   
7. Lan-harreman arruntak mugagabea izan behar duela abiapuntutzat hartuta, zuzentarau horren xedea denbora jakin bateko enpleguaren kalitatea hobetzea eta iraupen mugatuko lan-harremanak erabiltzearen ondoriozko abusuak saihesteko
   esparru bat ezartzea da.
   
   
8. Lehen aipatu bezala, omisio horren emaitza lan-harremanen behinbehinekotasuna gehiegizkoa izatea da, edo, Europako Batasuneko Justizia Auzitegiak egiaztatzen duen bezala: behin-behinekotasuna neurriz kanpokoa izatea administrazio publikoetan. Gehiegikeria hori ezin da zigorrik gabe geratu.

Botere publikoei exijitzen diegu

Horregatik guztiagatik, botere publikoei honakoak eskatzen dizkiegu:

1. Sektore publikoko lan-harremanen arloko barne-ordenamendua aldatzea, hainbat motatako aldi baterako lan-harremanei eta bitartekotasun-harremanei legezko mugak ezartzeko: aldi baterako programak gauzatzea, zeregin-kopuru handiegia edo zereginpilaketa eta lanpostu hutsak egotea.
   
   
2. Alor publikoko lan-harremanen arloko barne-ordenamendua aldatzea, behar besteko disuasio-zehapenak ezartzeko administrazio ez-betetzaileentzat, eta, aldi berean, aldi baterako abusua jasan duten pertsonak babesteko eta erreparatzeko.
   
   
3. Legegintza-ekimenei ekitea, behin-behinekotasunaz abusatzeak eragindako langileen enplegua kontsolidatzeko benetako prozesuak artikulatu ahal izateko. Prozesu horiek bi baldintza bete behar dituzte: aldi baterakotasun-abusu egoeran
   dagoen inor ez baztertzea, eta, edonola ere, kontsolidazioaren xede diren langileek karrerako funtzionarioen, lan-kontratuko funtzionarioen edo estatutupeko langile finkoen eskubide eta betebehar berberak izatea.

#FijezaYA