Euskal Autonomia Erkidegoko Justizia Auzitegi Nagusiak (EAEJAN) emandako epaiaren arabera, Osakidetzak arriskuan jarri zuen langileen osasuna COVID-19ren krisian, eta neurriak hartzera behartzen du.

 

 

ESK sindikatuak aurkeztutako salaketaren ondoren, joan den ekainaren 16an Osakidetzaren aurkako epaiketa egin zen, SARS-CoV-2k sortutako pandemiaren kudeaketan laneko arriskuen prebentzioari buruzko araudia ez betetzeagatik.

Bertan, Osakidetzako Zuzendaritzaren jarrera salatu zen, besteak beste, Osakidetzako langileen artean norbera babesteko ekipamendurik ez egotea, horiek erabiltzeko protokoloak ez betetzea edo plantillaren egoera detektatzeko testak ez egitea.

 

Osakidetzaren aurkako epaia langileen segurtasuna ez bermatzeagatik

Auzitegi Nagusiak bere epaian dioenez, babes- ekipoei  dagokienez, Osakidetzak erabiltzeko, berrerabiltzeko eta garbitzeko emandako jarraibideak ez zuten zerikusirik osasun-oharrekin, eta alde batera utzi zituzten pazientearentzat eta erabiltzailearentzat infekzioak izateko arriskua zegoela adierazten zuten erabilera-gomendioak. Era berean, Justizia Auzitegi Nagusiak zehazten du enpresaburuaren (Osakidetza) betebeharra dela laneko osasunaren zaintza egokia bermatzea, eta laneko arrisku larri kalifikatzea merezi duela COVID-19ren esposizioak.  Osakidetzak ez duela bete laneko arriskuen prebentzioaren arloko betebeharrak adierazten du, eta bere zerbitzura dauden langileak babesteko neurri egokiak hartzera kondenatzen du.

 

Nekane Murga dimisioa!

ESK-k behin eta berriz salatu du Nekane Murgak eta bere taldeak egin duten politika. Hainbat urtez murrizketak egin ondoren, COVID-19ren krisiak mahai gainean jarri ditu Osakidetzak pairatzen dituen gabeziak eta zuzentzen duten pertsonen kudeaketa arduragabea. Epai horrek argi uzten du Osakidetzako Zuzendaritzak arriskuan jarri duela langile guztien osasuna, kutsatutako langileen ehuneko handiak erakusten zuen bezala.

Horregatik, eta epaian adierazitakoa oinarri hartuta, ESK sindikatuak eskatzen du Osakidetzako Zuzendaritzak eta Osasuneko sailburuak, Nekane Murgak, beren erantzukizunak beren gain har ditzatela eta dimisioa eman dezatela, tentsio handiko hilabete horien kudeaketa negargarria dela eta, arriskuan jarri baitu Osakidetzako langileen eta bertaratzen diren herritarren osasuna.

 

Osakidetzako langileen baldintza berak azpikontratatutako langileontzat

Osakidetzako langileei aplikatzen zaizkien baldintza berberak aplikatzea aldarrikatzen ari gara, hori baita bere garaian alderdi guztiek adostu genuena eta betetzen Irakurri

Zertan ari dira?

Osakidetzako mahai sektorialeko sindikatuek ESK baztertu dute hauteskunde sindikalak bultzatu ditugulako, langileek ordezkariak aukera ditzaten 10 urte baino gehiago hauteskunderik Irakurri

Osasun Publikoaren defentsan, batasuna

Batasunatik lan egin dezagun gure Osasun Publikoaren defentsan. Osakidetzako langileak, gizarte-erakundeak eta, oro har, herritarrak otsailaren 25eko manifestazioetan parte hartzera Irakurri

Garraio sanitarioak lan-baldintzak eta kalitatezko zerbitzua bermatu behar ditu

Euskal osasun-garraioa kudeaketa publikokoa izatea eskatzen dugu; bitartean, plantillen lan-eskubideak eta zerbitzuaren kalitatea bermatzeko eskatzen diogu Osakidetzari. Irakurri
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29