Positibotzat jotzen dugu salaketa zabaltzea Neurofisiologia eta Neurokirurgia espezialitateetan. Ikerketa judizialek dopatutako EPEak argitu behar dituzte, Osakidetzan modu estrukturalean ezarritako sistema klientelarrarekin amaitzeko, arduradunen ezagutza eta bermearekin.

ESKk pasa den 2019ko azaroaren 25ean eskatu zuen Neurofisiologia eta Neurokirurgia espezialitateen gaineko salaketaren handitzea dela eta, epaitegiak bihar, ekainak 9, bi zerbitzuburuak ikertu gisa deklaratzera deitu ditu, hortaz, hain legezko ordezkaritzarekin joan beharko dute.
 
ESKk positibotzat jotzen du erabaki hori; uste dugu dopatutako EPEei buruzko ikerketa judizialak ezinbestekoak direla Osakidetzan, haren arduradunen ezagutza eta bermearekin, egituralki ezarrita dagoen bezero-sistema deuseztatzeko; izan ere, ez Osasun Sailak ez Osakidetzak berak ez dute sistema hau deuseztatzeko interesik agertu.

Erantzunik gabe

2019ko uztailaren 19an, ESKk, Osasun sailburua den Murga andreari, Osakidetzako zuzendari nagusia den Diego jaunari eta Giza Baliabideen zuzendaria den Uriarte andreari zuzendutako idazki bat erregistratu zuen. Idazki horretan, sindikatu honek Neurokirurgiako EPEan atzemandako irregulartasunen berri eman zien, kautelazko geldiaraztea eta irregulartasun horiek argitzeko ikerketa inpartziala eskatuz.
 
Idazki hori erantzuteke utzi ez ezik, urriaren 30eko 763/2019 Ebazpenaren bidez, Uriarte andreak sinatua, espezialitate horretako plazak behin-behinekoz esleitu zituzten lotsagabekeri osoz. Gauzak horrela, ESK behartuta egon zen salaketa judiziala aurkeztera.

Bezero-sistema

ESKrentzat, jarduketa honekin, Murga andreak, Diego jaunak eta Uriarte andreak argi eta garbi erakutsi dute zeintzuk diren beren asmoak; espezialitate medikoetako lanpostu jakin batzuk esleitzeko bezero-sistema hori sendotzen eta bermatzen jarraitzea, besterik ez.
 
ESKk Urkullu lehendakariari Osakidetzan ezinbestekoa den birsortze eta demokratizazio prozesua aurrera eraman dezala exijitzen dio, lanpostuen esleipenean sistema horren desegitea ekar dezala eta Osakidetzako Hautaketa eta Plaza Horniduraren Sistemari beharrezko gardentasuna eman diezaiola.

Argazkia: Diario de Álava