ESK sindikatuak Osakidetza salatu du Euskal Autonomia Erkidegoko Justizia Auzitegi Nagusian, bere langileen bizitzarako, osasunerako eta segurtasunerako eskubidea urratzeagatik.

Joan den apirilaren 8an, ESK-k Osakidetza auzitegietan salatu du bere langileei osasun eskubidea urratzeagatik.

Euskadin lehenengo koronabirus-kasuak agertu zirenetik hilabete baino gehiago igaro da eta Osakidetzak, eta Murga sailburuak zuzentzen duen Osasun Sailak, babes-materialaren banaketa gaizki eta modu kaotikoan kudeatzen jarraitzen dute.

Erabilera bakarra

Erabilera bakarrerako diseinatutako ekipoak berrerabiltzera behartzen dituzte langileak, protokoloetan jasotako gomendioak jarraitu gabe.

Langileak maskarak berrerabiltzera behartzen dituzte, maskara bera astebete baino gehiagoz erabiltzera behartuz.

Norbera babesteko ekipamenduen erabilgarritasunaren arabera, Osasun Sailak argitaratutako protokoloak aldatu egiten dituzte eta NBEn gabeziaren aurrean, langileen babesa murrizten dute. Tapia sailburuak, berriz, ez du zalantzarik Confebask ekipamenduz hornitzerako garaian.

'Negatiboa' bermatu gabe berriz lanera

Langileak gaixotzen direnean, sukarra kendu eta arnas sintomak hobetu zaizkienetik 5 egunetara beren lanpostuetara itzultzera behartzen dituzte, koronabirusari negatibo bat baieztatzen dion testik egin gabe.

ESI batzuetan hainbat kolektiboei (zelatariei, garbiketako langileei, izpi-teknikariei...) NBEak ukatzen zaizkie.

Osasun-zentru jakin batzuetan, osasun-arlokoak ez diren langileak koronabirus kasuak detektatzeko lanak egitera behartzen dituzte, hori osasun-arloko langileen zeregina delarik.

Salaketa Osakidetzaren aurka

Horregatik ESK-k, Oinarrizko Eskubideak Babesteko, demanda bat aurkeztu du Osakidetzaren aurka, langileen osasuna eta segurtasuna babesteko hain zuzen ere.

ESK-k konpromezu argia eskatzen dio Osasun Sailari: Osakidetzan zerbitzua ematen duten kategoria guztiei, Pandemia hori kontrolatu ahal izateko ezinbestekoak diren NBEak ematea, eta osasun-langileentzako hornidura bermatzea, kontrata pribatuetan lan egiten duten pertsonak (garbiketako edo osasun-garraioko langileak) barne.

Era berean eta OMEren jarraibideei jarraituz, ESK-k, kutsatze-kontrola areagotuko duten beharrezko neurriak martxan jartzea eskatzen du, profesional soziosanitario guztiei testak eginez.