Maiatzaren 5ean, Eusko Legebiltzarrean, Baldintzarik gabeko Oinarrizko Errentaren aldeko Legegintzako Ekimen Polularra eztabaidatuko da, eta han izango gara.

« 75 legebiltzarkideetatik gehienek alde bozkatzen badute,   pobreziarekin amaitzeko tresna    bat lor dezakegu »

Baldintzarik gabeko Oinarrizko Errentaren ordua da

Ostegun honetan, maiatzaren 5ean, eztabaidatu eta bozkatuko da Eusko Legebiltzarraren Osoko Bilkuran EAErako Oinarrizko Errenta Baldintzagabearen aldeko PLE. Euskal gizartea asko dugu jokoan eztabaida horretan. 75 legebiltzarkideetatik gehienek aldeko botoa ematen badute, izapidetze-prozesua lege arrunt gisa irekiko da, eta, horrela, EAEko herritarrok tresna bat lortu ahal izango dugu pobreziarekin amaitzeko, bizitza erdigunean jartzeko tresna bat, enplegua banatzeko eta lanak partekatzeko tresna bat, azken batean, Euskadi gizarte-erreferente bihurtzeko tresna bat.

Ekimen honetan parte hartu dugunok, hau da, ILE hau sinatu duten 22.000 pertsona baino gehiagok eta berau babesten duten 80 erakunde sozialek uste dugu maiatzaren 5ean legebiltzarkideek ez dutela aukera galduko bizitza politika publikoen erdigunean jarriko duen gizarte-eredu baten alde egiteko.

Maiatzak 4 eta 5 akanpada Gasteizen

Herritarrak protagonista izatearen aldeko apustua egiten jarraitzen dugu, honainoko bidea prozesu herrikoia izan da eta hala izaten jarraitzea nahi dugu. Horregatik, gaur, prentsaurrekoaren ostean, Kalegira bat egingo dugu Bilbo eta Donostiako kaleetan zehar, eta bihartik aurrera, maiatzaren 4an, Osoko Bilkurako eztabaida amaitu arte, karpa bat jarriko dugu Eusko Legebiltzarraren aurrean, "Baldintzarik gabeko Oinarrizko Errentaren ordua da" lelopean.

Karpa horren inguruan, mobilizazio-, gogoeta- eta eztabaida-ekitaldi batzuk antolatu ditugu. Herritar guztiak gonbidatzen ditugu parte hartzera, eta, amaitzeko, PLEren sustatzailearen azalpena emango dugu, maiatzaren 5eko osoko bilkuran hitza hartuta, Oinarrizko Errenta Baldintzagabekoa lege gisa izapidetzeko beharra defendatzeko.

Azken batean, karpan, Eusko Legebiltzarraren aurrean, mugimendu sozialetako eta pertsonetako ahotsek adieraziko digute, Euskadin, eta gure erkidegotik kanpo, adierazi dutela aldeko botoa eman diezaiotela hilaren 5eko legebiltzarreko izapidera iristea lortu duen ILEari, 22.075 sinadura bildu eta gero, HLEren Legeak eskatzen dituen 10.000 sinaduren bikoitza baino gehiago, eta eskatzea legebiltzarkideen gehiengo baten aldeko botoa jaso dezala, beharrezko baliabide guztiak lege gisa baliatzeko.

Orain da Oinarrizko Errenta Baldintzagabearen unea.

Orain da unea Legebiltzarrak herritarrei bizkarra ez emateko.