Usteldutako sare zahar hau desmantelatzeko -eta berriro holakorik ikusi ez dezagun- beharrezkoak diren neurriak martxan jarri ditzaten ahalik eta lasterren exijitzen dugu.
Gaur jakitera eman da dimititu duela Balerdi jaunak, Osakidetzako giza baliabideko azpizuzendaria eta OPE-en auziarengatik epailearen aurrean deklaratu behar dutenetariko bat.
Kanporaketa hau, beharrezkoa izanik, berandu dator ESK-ren ustez. Urtebete baino gehiago pasatu da ESK-k medikuen lanpostuak banatzeko indarrean dagoen sistema klientelarraren esistentzia salatu zuenik, eta gure salaketarekin batera beti esan dugu hau guztia gertatu dela Osakidetzako eta Osasun Saileko buruen oniritziarekin. Tamalez, dimisio guztiak tantaka besterik ez dira etorri urte luze honetan.
Gertakizun berri hau, udako oporraldian burututakoa iritzi publikotik ezkutatzeko, "kalte kudeaketa" politika baten isla besterik ez da.
Sindikatu honetatik eskatu nahi diogu berriro Diego jaunari dimisio berri honen benetako arrazoiak azal ditzan eta ez dadila gertatu beste dimisioekin bezala: atzeko atetik ihes egin zuten protagonistek (Mujika, Darpón, Soto) inolako azalpenik eman gabe.
Deigarri egiten zaigu, esatebaterako, Balerdi jauna Osakidetzako "barne ikerketen" instruktorea izana, Zirujia Baskularreko espedientekoa hain zuzen ere. Osakidetzak filtrazio zantzurik ez zuen ikusi orduan, baina espediente horren deklarazioen argira fiskaltzak bere txostenean delitu aztarnak egon badaudela oso argi adierazi zuen; eta aztarna horiek nahikoak izan ziren hainbat pertsona inputatzeko.
Sistema klientelar honen esistentzia zaharra onartu dezaten exijitu behar die berriro ESK-k Murga Sailburuari eta Diego Osakidetzako zuzendariari, bai eta usteldutako sare zahar hau desmantelatzeko -eta berriro holakorik ikusi ez dezagun- beharrezkoak diren neurriak martxan jarri ditzaten ahalik eta lasterren.
Martxoaren 16an osasun publiko eta kalitatezkoaren aldeko manifestazioak
Grebaren arrakastak erakundeei zerbitzu publikoak indartzera eta hemen erabakitzera behartu behar ditu
Jarraipen zabala EAEko sektore publikoko grebak
100 elkarretaratze baino gehiago martxoaren 12ko grebaren aurretik
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40