Ibermatica enpresak Osakidetzarentzat Lehen Arretako arlo administratiboetako administrari laguntzaileen eginkizun baliokideak betetzen duen Erabiltzailearentzako Arreta Teknikarien Call bat duela jakin ondoren, ESK sindikatuak kontratazio administratibo pribatu hau salatzen du eta lizitazioa ez luzatzeko errekurtsoa jarriko du.
Ibermatica informazioaren eta komunikazioaren teknologietako (IKT) zerbitzu-enpresa globala da, eta herritarrentzako arreta-zerbitzurako eta Osakidetzako profesionalentzako IKTen laguntza-zentrorako zerbitzuak kontratatzea lortu zuen. Esleipen-data: 2021-02-10. Iraupena: 2 urte.
Hasieran, erabiltzaileentzako teknikarien Call honek, Donostiako Ibermaticaren bulegoetan dagoena eta telelana egiteko aukera duena, herritarrentzako Covid-aren inguruko kudeaketa eta arreta lanak bere gain hartu zituen. Zerbitzu honen helburua Osasun Kontseiluaren telefonoa (900 20 30 50) deskongestionatzea zen, gaixotasunari buruzko zalantzak zituzten deiei erantzuteko. Ibermáticako operadoreek lehen triajea egiten zuten zalantzak argitzen saiatuz eta sintoma argiak zituzten pertsonen deiak Osasun Kontseiluko erizaintzako profesionalei bideratuz.
Ondoren, Covid-en osasun-alertaren beharren eta eskariaren beheranzko bilakaerarekin, Ibermaticako langileen Call honek Osasun Zentroetako administrazio-arloetako berezko funtzioak hartu ditu bere gain. Izan ere, teknikari hauek Lehen Arretako agendetan kudeaketak eta zitazioak egiten dituzte, batez ere Lehen Arretako unitate guztiek dituzten “Izapideak” agendan. Horrela, Osakidetzaren aurretiko zitaren web orrian izapide administratibo gisa zehazten denarekin zerikusia duten deiei erantzuna ematen diete.
Horrek suposatzen du Osabide AP programa informatikoa eta erakunde publikoaren aurretiazko hitzorduaren kudeaketa ekimen pribatura eramatea, Osakidetzak arlo horretan hartutako hitzarmenak bete gabe, Lehen Arretako Zentroetako langileek orain arte betetzen zituzten eginkizunak betetzeko. Honek, dagokion EPEaren ondorioz indarrean dauden Osakidetzako kontratazio-zerrendak erabiltzeari uko egitea suposatzen du; Administrazio Publikoko lanpostu batean sartzeko bete behar diren berdintasun-, gaitasun- eta merezimendu irizpideak urratuz, era berean, zerbitzuaren externalizazioa suposatzen du, kudeaketa azpikontrata baten bidez kanporatuz.
Ametsak borrokatuz!