ESKtik gure babesa adierazten diogu greba-deialdi honi, azken bi urteotan egin diren beste grebei eta burutu diren beste mobilizazioei gehitzen dena.
Apirilaren 18tik 30era, TGEEZko langileak grebara doaz, Osakidetzako gainerako langileekin soldatak parekatzeko eskatzeko. Soldata-bereizkeria bidegabea eta anakronikoa da. Osasun sailburuak ez dio bidegabekeria honi amaiera eman nahi, eta negoziazio-bide guztiak ukatzen ditu.
ESKk salatzen du 10 urte baino gehiago igaro direla plantillako lan baldintzetan berdintasuna, %4ko osagarria aplikatzeko eskubidea hain zuzen ere, eskatzen aritu garenetik.
Borroka luzea izaten ari da, baina kolektibo horrek pairatzen duen diskriminazioa ezabatu arte jarraituko dugu, eta, beraz, ESKk TGEEZko langileen parekatzea babesten eta aldarrikatzen jarraituko du.
Ametsak borrokatuz!