Euskadiko Funtzio Publikoan 35 orduko lanaldia berreskuratzen duen dekretua aurkatu du jardunean den Raxoiren Gobernuak. Erabaki honek euskal langile publikoen aurkako eraso bat suposatzen du, hala nola milaka lanpostuen suntsiketa.
Ezbaiko legezkotasuna duen gehiegikeria hau, euskal autogobernuaren aurkako eraso bat da, baita ere gobernu zentralaren izaera antisozialaren adierazgarri. Bitxia egiten da PPren gobernuaren erreakzioa une honetan, ez baitzuen zitalkeria berberaz erreakzionatu iazko azken egunetan Gaztela-Mantxako Komunitate Autonomoak antzeko erabakia hartu zuenean.
ESK-k Eusko Jaurlaritzari exijitzen dio ez dezala atzera pausorik eman 35 orduko lanaldia berreskuratzeko erabakiari dagokionean, Madriletik datozen inposaketak hasi baino lehen egin zuen bezala. Ez da jarrerak hartzeko garaia, ezta judizial-justifikazioetarako. Tinkotasuna autogobernuaren defentsan eta 35 orduko lanaldia mantentzeko konpromisoan, hau da exijitzen dioguna.
35 orduko lanaldia berreskuratzeko erabakia, azken lau urteotan etsipenik gabe langileok burutu dugun mobilizazioaren emaitza da. Eta tinkotasun berberaz defendatuko dugu 35 lanaldia euskal sektore publiko osoan, enplegua sortzeko, zerbitzu publikoaren kalitatea eta langileen bizi-baldintzak hobetzeko.
Era berberan, krisialdian Eusko Jaurlaritzak lapurtu zizkigun eskubideen berreskuratzea eskatzea jarraitzen gara. Defentsa eraginkorra izan dadin akordio sindikal zabalena eta langile guztien babesa beharko ditu.
Atzerapausorik ez 35 orduko lanaldiaren defentsan.
Ametsak borrokatuz!