Osasun Sailak erresonantzia magnetikoaren bidezko irudi-proben kudeaketa Osakidetzatik ateratzea erabaki zuen, eta, horretarako, Osatek sortu zuen, proba horien kudeaketa arintzeko asmoz.

Azken urteetako errealitateak erakusten digu erabaki honek kudeaketa hobetzetik urrun, proba hauetarako itxaron zerrenden gorakada eragiten ari dela. Izan ere, Osakidetzako erresonantzia magnetikoetarako itxarote-zerrendetan 40.000 proba baino gehiago daude egiteko aurtengo urtarrilaren 31n.

Osateken narriaduraren ondorio zuzena da proba horiek klinika pribatuetara bideratzea, horiek baitira onuradun nagusiak.

Gainera, Osateken kudeaketa txarraren ondorioz, langile askoren lan-baldintzak okertzen ari dira, eta, ondorioz, lan-eskubideei dagokienez, eskala bikoitza sortzen ari da.

ESK-k uste du Osateken finantziazioa publikoa bada, haren kudeaketak ere publikoa izan beharko lukeela, eta Osakidetzaren esku egon behar dela, integrazio-prozesu baten bidez, Onkologikoarekin egindakoaren urratsei jarraituz.

ESKrentzat integrazioa da Erresonantzia Magnetikoak Osakidetzatik egitea bermatzeko modu bakarra. Horrek itxarote-zerrendak murriztuko lituzke, langileen lan-baldintzak hobetuko lituzke eta, besteak beste, 24/7 larrialdietako EM irekia ezartzea erraztuko luke. Egitura hori ez dugu EAEn, eta bizi-larrialdi jakin batzuetan, paziente larriak Nafarroaraino eramatera behartzen gaitu, horrek dakartzan arriskuekin eta denbora galerarekin.

Horregatik guztiagatik, ESK-k elkarretaratzea egingo du bihar, azaroak 7, ostirala, 12:00etan Eusko Legebiltzarraren atarian.