Osakidetzan, 20-21-22-E EPEaren ebazpena edo Kontratazio-Zerrendak bezalako hautaketa- eta hornitze-prozesuekin gertatzen ari dena, informazio-kaos hutsa da. Onartezina da langile guztiak, oposiziogileak eta izangaiak, erabateko ezjakintasun egoeran mantentzea. Ouija bidez komunikatu beharko dira Osakidetzarekin?

EPEaren ebazpenari dagokionez, Osakidetzak ez du informaziorik ematen fase bakoitzaren jabetza hartzeko epeei buruz. Egonkortze-plazak sinatuko dira lehenbizi? Plaza guztiak aldi berean sinatuko dira? Galdera horiek erantzunik gabe jarraitzen dute.

Kontratazio-zerrendei dagokienez, ez da azaltzen zergatik hainbeste atzeratu den eguneratzea, ez eta noiz egingo den, azkenean, egiteke dagoen integrazioa.

ESK-tik Osakidetzari adieraz dadila exijitzen diogu, langile guztiak modu argi eta zintzoan informatzea. Premiazkoa da hautaketa- eta hornidura-prozesuetan parte hartzen duten pertsona guztiei informazio zehatza eta xehatua ematea.

ESK-n prozesu hauek gardentasun osoz ebatzi behar direla defendatzen dugu. Hori egin ezean, Osakidetza zurrumurruak elikatzen ari da, eta errespetu falta erakusten du bere behin-behineko langileekiko, izangaiekiko eta baita oposiziogileekiko ere.