Osakidetzako langileei eskatzen diegu Osakidetzan aldaketak defendatzeko aukera eman diezagutela, gure lan-baldintzak hobetzeko. Osakidetza aldatu enpatia, koherentzia, etika eta irmotasunatik.

 

« ESK-tik proposatzen dugu  Osakidetzan aldaketa  enpatia, koherentzia, etika eta irmotasunatik egitea »

 

10 urte baino gehiago Osakidetzan hauteskunde sindikalik gabe eta langileek ordezkariak hautatzeko aukerarik izan gabe egon ostean, azkenean azaroaren 28an egingo dira hauteskundeak.

Osakidetzaren egoera jasanezina da. Langile eskasia eta lan kargak onartezinak dira. Osakidetzako zuzendaritzaren gorreriak frustrazioa, motibazio falta eta nekea eragin ditu. Eta horrek, bai langileen eta baita herritarren osasuna ere arriskuan jartzen ditu.

Herritarrak zaintzeko egiten dugu lan, Osakidetza zuzentzen dutenek gu zaintzea ahazten duten bitartean. Eta hori jasanezina da. Premiazkoa da aldatzea. Osakidetza aldatuko dugu, geure burua zaintzeko!

 

 

Osakidetza aldatu

Osakidetza honi buelta eman diezaiokegu. Horren erakusgarri dira urteetan plataforma eta mugimendu sozial ezberdinekin batera egin ditugun borroka eta protesten ondorioz,gizarte honen pertzepzioa aldatu dela kalitatezko osasun zerbitzu publikoa eskatuz.Azken hauteskundeetan bere kudeaketa talmagarriagatik. EAJri faktura garrantzitsua pasatuz.

Mobilizazioak funtsezkoa dira gure lan baldintzak eta herritarrei ematen zaien zerbitzua erabakitzen diren edozein negoziazio mahaitan negoziatzera esertzeko orduan.

 

Langileon ahotsa

Azken urteetan, ESK-k gauza handiak egin ditu: Enplegu publikorako eskaintza gardenagoak lortu, Urdulizen pribatizazioak gelditu, karrera profesionala kobratu edo langileen segurtasuna hobetu, besteak beste.

ESK-ko langileok plantila osoaren ahotsa eta aldarrikapenak eramateko aurkezten gara, edozein dela ere bere kategoria, kategoria bakoitzeko arazoak langile guztiei eragiten dien arazo orokorraren ondorio baitira: osasun sistema publiko bat defendatzeko borondate politiko falta.

 

 

ESK-k hazitzen jarraitzen du

Azken 10 urteotan egindako lan handiaren ostean, ESKan afiliazioan hazten jarraitzen dugu. Hauteskunde hauetan gure presentzia handituko dugu, eta hautagaitzak aurkeztuko ditugu, lehen ordezkaritzarik ez genuen hauteskunde esparruetan.

ESK-tik Osakidetzako langileei eskatzen diegu Osakidetzan aldaketak defendatzeko aukera eman diezagutela, gure lan-baldintzak hobetzeko. Enpatiatik, koherentziatik, etikatik eta irmotasunetik abiatutako aldaketak, ESKren eskutik.

 

Osakidetza aldatuko dugu, geure burua zaintzeko.