Hasi dira Laudion suhiltzaileekin partekatuko den larrialdietako base berri bat sortzeko lanak.

Beste behin, eta Emergentziak-Osakidetzako Kudeaketa Taldean ohikoa den bezala, ez dituzte kontuan hartu langileen errealitate eta beharrak, ez dituzte ez kontsultatu ez informatu.

ESK-k egiaztatu ahal izan duenez, eraikin berria egiten den bitartean ezarritako behin-behineko moduluek ez dituzte gure lana egiteko gutxieneko baldintzak betetzen, atsedengela desegokiak, materialak eta sendagaiak biltegiratzeko lekurik ez, hondakin biologikoak garbitzeko gune zikinik ez, inkubagailurako lekurik ez, etab.
Hau gutxi balitz, eraikin berriaren behin betiko proiektua ez zaio langileei aurkeztu ere egin, Emergentziak-Osakidetzako zuzendaritzaren bereizgarri den isiltasuna eta inposizioa ikusten ditugu berriro.
ESK-k onartezintzat jotzen du jokabide hori; ez da onargarria gure lanpostuaren baldintza eta gure lana betetzeko beharrezkoak ditugun elementuak ondoen ezagutzen dituzten pertsonekin kontsultatu ez izana, eta proiektu horiek hobetzeko aukerarik ez ematea.
ESKren ustez, hau da EAJko kudeatzaileek Auzolanatzat hartzen dutenaren erakusgarri, "dena herriarentzat, baina herririk gabe.”