Osakidetzako biltegien pribatizazioaren aurrean, ESK-k SAgardui Plataforma inpugnatu du

ESK sindikatuak Iurretako plataforma logistikoaren pleguak inpugnatu ditu OARCren aurrean. Plataforma hau 129.648.199 euroko oinarrizko aurrekontuarekin lizitatu zen urtarrilaren 23an.

ESK-k uste du plataforma hau dela Osakidetzaren historiako pribatizaziorik handiena eta esku pribatuei ondare, kapital eta funtzio publikoak ematea. Izan ere, Osakidetzak enpresa pribatuen esku jarri nahi ditu instalazioen eraikuntza, horien titulartasuna eta plataformaren prozesu guztien kudeaketa. Dena kapital publikoarekin.

Ezbairik gabe, proiektu honek kolokan uzten ditu gaur egun Osakidetzako biltegietan modu zuzenean lan egiten duten ehundaka lankideen lanpostuak. Gainera, sektore pribatutik sortu litekeen lanpostuak prekarietatera kondenatuta egongo dira. Gaur egun azpikontratatutako eta pribatizatutako sektoreetatik Osakidetzarentzat lan egiten duten lankideen egoera ikusi besterik ez dago; anbulantziak eta garbiketa, esaterako.

Zentzu horretan, ESK proiektu honekiko desadostasuna erakutsi du aurkeztu zenetik. Esan bezala, ESKren asmoa proiektu honi ahalik eta alderdi gehienetatik aurre egitea da.

Alde batetik, OARCren aurrean administrazio errekurtsoaren bidea aktibatu dugu, Urdulizko pribatizazioa geldiarazteko balio zitzaiguna, ESK-k sukaldaritza, garbiketa, ikuztegia eta lentzeria zerbitzuak ez pribatizatzea lortu zuenean.

Aldi berean, biltegien pribatizazioaren aurkako mobilizazio bateratuak bultzatu eta horietan parte hartu dugu. Alde horretatik, joan den otsailaren 8an, mobilizazio zilo berri bati hasiera eman genion Gasteizen, Osakidetzako Zerbitzu Zentralen aurrean kontzentrazio batekin. Mobilizazioak Donostian eta Gurutzetan jarraituko dute.

ESKk uste du borroka dela proiektu neoliberal hauei aurre egiteko bidea, eta horregatik biziki animatu nahi ditugu langile guztiak hurrengo mobilizazioetan parte hartzera.