Arabako ESIko Erizaintzako Zuzendaritzak Santiago Ospitaleko larrialdi-zerbitzuko 8 erizain eta 2 TCAE kentzea erabaki du. Zuzendaritzaren arabera, aipatu larrialdietan ematen den arreta jaitsi egin da.

Arabako ESIak sortutako egoera salatu nahi dugu ESK-tik; duela ia 2 urte erabaki zuen Txagorritxu Ospitalera eramatea larrialdiko arreta, eta Santiagoko larrialdiak de facto ixtea erabaki zuen.

Zuzendaritzak, bere ohiko irizpide aldebakarrarekin, Santiagoko larrialdietan langile kopuru handi bat kentzea erabaki du, pazienteen "kopurua" jaitsi egin delako, eta plantillaren berregituraketa deitu diote langile-murrizketa den honi.

Ez dituzte kontuan hartu larrialdi horretara jotzen duten biztanleen berezko ezaugarriak. Gehienak adineko pazienteak dira, patologia anitzekoak, eta zaintza handiak behar dituzte horiek egonkortzeko.

Ahaztu gabe ospitale honetan larrialdi psikiatrikoak bere baitan jarraitzen dutela, eta erizainek eta larrialdietako TCAEko langileek artatzen dituztela.

Horrek guztiak nabarmen handituko du Olagibelgo EAG saturatuan artatu beharreko pazienteen kopurua.

ESKren ustez, horrek nabarmen murriztuko du herritarrei eman behar diegun asistentzia-kalitatea; berriz diogu Santiagoko larrialdietan artatzen diren pertsonen ezaugarriek egin beharreko prozedurak areagotzea dakartela, eta sarritan bi erizain behar direla arreta emateko. Zuzendaritzak ezarritako murrizketarekin ezin izango da hori egin, pazientearen segurtasuna arriskuan jarriz.

Arabako ESIko zuzendaritzari ez ezik, Osakidetzari eta Osasun Sailari ere eskatu die ESK-k pertsonak zenbaki soiltzat hartzeari uzteko eta osasun publikoaren merkataritza-kudeaketa hori alde batera uzteko, eta herri honetako herritarrek merezi duten arreta emateko ezinbestekoak diren giza baliabideak eta baliabide materialak emateko.