Atzo, urtarrilaren 12an, ostirala, Laudioko EAGan hildako pertsona batekin bizi izan genuen gertaera tragikoaren eta Araban 2 hildako eta egoera kritikoan zegoen beste batekin izandako istripuaren aurrean, ESK-k honako hau azpimarratu nahi du:

Lehenik eta behin, giza galerak deitoratzea eta haien senideei gure babes osoa helaraztea; bigarrenik, Emergentziak-Osakidetza erakundearen kudeatzaileek eta Gotzone Sagarduik zuzendutako Osasun Sailak berak eragindako egoera salatzea.

Hildako pertsona Laudioko EAGra bihotzekoak jota joan zen eta gure EAGetan ohikoa den bezala ez zegoen mediku fakultatiborik, eta erizainek ahaleginak egin arren, errealitatea da, zoritxarrez, gertaerek arrazoia ematen dietela ESK-ren eta beste sindikatu batzuen salaketei, eta larrialdiko zerbitzuak pertsonal medikoarekin ez artatzeak arriskuan jartzen duela herritarren bizitza.

Gasteizen gertatutakoari dagokionez, ESK-k publikoki salatu du Arabako Zentro Koordinatzailean mediku falta dagoela eta haien figura ezinbestekoa dela larrialdiei erantzuteko eta dauden baliabideak koordinatzeko orduan, eta, zoritxarrez, atzo, ostirala, ez zegoen figura hori.

ESKn argi daukagu Osasun sailburuak eta Emergentziak-Osakidetzako kudeaketa-taldeak ez dutela zerbitzu hori hobetzeko eta indartzeko borondaterik, eta, beraz, ezinbestekoa da EAJk aurrera eramaten dituen politikak errotik aldatzea, murrizketak, pribatizazioak eta prekarietatea baino ez baitituzte ekarri Osakidetzako plantilletara.