ESK presente egongo da behar dugun Osakidetza defendatzeko. Indartsua eta irisgarria den Osakidetza baten alde, berdintasuna eta gardentasuna lehenetsiko dituena.

ESK sindikatuak Osasun Itunera joateko egindako eskaera egin ondoren, Osasun Sailaren erantzuna jaso dugu. Horren bidez, hurrengo deialdian parte hartzeko aukera izango dugula jakinarazi digute.

ESK presente egongo da behar dugun Osakidetza defendatzeko. Indartsua eta irisgarria den Osakidetza baten alde, berdintasuna eta gardentasuna lehenetsiko dituena; Lehen Mailako Arreta sendotuko duen Osakidetza baten alde, osasunaren sustapenean eta gaixotasunaren prebentzioan oinarritutakoa.

ESK-k giza baliabideen plan bat egitea defendatuko du. Plan horretan, langileen egoerari buruzko azterketa bat egitea proposatuko du lan-kargak aztertuz, lanpostu funtzional bakoitzaren benetako beharrak identifikatuz eta langileen hornidura hobetuz beharrezkoa den kategoria guztietan.

ESK-k Itun hau benetan baliogarria izatea espero du osasun-politiken beharrezko birmoldaketa aurrera eramateko eta behar dugun Osakidetza lortzeko. ESK-k uste du Itun honetan parte hartzea azken urteotan bultzatu dugun salaketa- eta mobilizazio-jardueraren osagarria dela. Beraz, gure ekarpenak egiteaz gain, Osakidetzako langileak aktibatzen jarraituko dugu eta plataforma guztiekin kalitatezko osasun publikoaren alde lan egiten jarraituko dugu.