Michelin-Gasteizko Zuzendaritzak langileei bere diziplina-araubidea aplikatzen jarraitzen du, neurriz kanpo eta askotan justifikaziorik gabe.

« 2023an  60 pertsona zigortu  zituzten, eta horietatik 15 kaleratu egin zituzten »

2023an, langileei jarritako zigorren kopurua kezkagarria izan zen, 50 pertsona zigortu baitzituzten, eta horietatik 15 kaleratu zituztelako.

Datu horiek gero eta handiagoak izan dira azken urteetan, baina 2023an gora egin zuten, batez ere Hitzarmen Kolektiboaren ondoriozko ekaineko gatazkaren ondoren. Izan ere, Zuzendaritzak ez zuen mozkinak banatzeko eta lan-baldintzak hobetzeko asmorik, urrian, gainera, Michelinek gaizki onartu zuen Gasteizko langileen erabaki legitimo bat, Lantokien arteko Batzordetik irtetea, alegia.

2024an ere zigorrak

2024ko lehen hiruhilekoan ere ez dira eten zigorrak eta kaleratzeak. Michelingo Zuzendaritzaren jarduera autoritario horrek zenbait lankideei jazartzea eta zigortzea baino ez du bilatzen, erabat arbitrario agertzen da ikusten dugunean zigortzen dituzten pertsona gehienek epaitegietan KALERATZE BIDEGABEEN aitorpena irabazten dutenean, edo MICHELIN bera denean hori onartzen duena aldez aurreko akordio baten bidez, kaleratze horien oinarrian egon ohi den argudio lausoaren ondorioz.

Michelingo Zuzendaritza, oro har, kaleratzeak eta zigorren bat edo beste baino ez direla judizializatzen aprobetxatzen da, zigortutako pertsonek jakin baitakite errepresaliak egon daitezkeela, gero eta autoritarioagoa den zuzendaritza bati aurre eginez gero.

Hori da gure lankide kaleratu baten kasua. 6 urte eman zituen lantokian, bere ingurunearekin sintonia onean, bai lankideekin, bai tailerreko arduradunekin. Eguneroko eginbeharrak betetzen zituen eta ez zuen inoiz arazorik izan.

Rubenen kasua

Ruben, joan den urriaren 20an beste lankide kaleratu baten epaiketara lekukotza ematera joan eta bidegabeko kaleratze gisa deklaratu ondoren, azaroaren 2an kaleratu zuten. Kaleratze-gutunean, beste kasu askotan bezala gezurrez beteta eta desitxuratuta dauden gertakari batzuk kontatzen ditu. Egitate horiek, gainera, epaiketa baino hilabete lehenagokoak dira, eta, gure ustez, epaiketara lekukotza ematera joan izan ez balira, ez ziratekeen inoiz haien aurka manipulatuko.

Gasteizko lantegian bizi dugun errepresio horrek gizartean eta komunikabideetan duen eragina minimizatu nahi du enpresako zuzendaritzak, irudia saltzeko lan-dinamikak abian jarrita, plantillaren arazoak kontuan hartzen dituela eta arazo horiek konpontzen saiatzen dela irudikatuz, eta hori sinestea zaila da, tailerretan egunez egun bizi ditugun zehapen-gertakarien argitan.

«  Michelinek uko egin  dio hitz egiteari eta modu positiboan elkar ulertzeari »

Michelinen ezezkoa

Gure lankide Rubeni laguntzeko eta hura BERRIZ ONARTZEA aldarrikatzeko mobilizazioei ekin aurretik, MICHELINeko Zuzendaritzari proposatu zaio, ez berehala berriz onartzea, baizik eta alderdien arteko akordioa lortze aldera eta elkar modu positiboan ulertze aldera, gure aldetik konpromisoa hartzen genuen aldarrikapen sindikal publikorik ez egiteko eta kasua soilik epaileen esku uzteko, baldin eta MICHELINeko Zuzendaritzak konpromisoa hartzen bazuen lankidea berriz onartzeko KALERATZE BIDEGABEKO epai irmoaren kasuan.

MICHELINek uko egin dio proposamenari, eta publikoki protesta egitera behartu gaitu.

Horregatik guztiagatik, ESK, CGT, ELA eta LABek elkarretaratzea deitu dugu MICHELIN VITORIA-GASTEIZen ate nagusian, apirilaren 22an, 13:30etik 14:30era.

Despidorik ez! Rubén berriro hartu!

CGT - ELA - ESK - LAB