UK11 autobus lineak, Urola Kosta Donostiako Unibertsitate Ospitalearekin eta unibertsitateekin lotzen duenak, ordu erdi baino gehiagoko atzerapen arazoak ditu, autobus saturatuak, pertsona askok ezin dute igo, bidaiari gehiegi zutik. Ospitaleko langileentzako beste zailtasun bat; izan ere, Protonterapiako eraikin berria eraikitzeak aparkalekurik ez izatea ekarri du.

Erabiltzaileen ezinegona agerikoa da, horietako asko Unibertsitate Ospitaleko langileak, zerbitzu horren mende baitaude txandetara joateko. Egoera horren aurrean, ESK-ak urrats batzuk eman ditu:

• Kexak behin eta berriz helarazi zaizkie Gipuzkoako Foru Aldundiari, Lurraldebusi eta Donostia Ospitaleko Zuzendaritzari.
• Sinadurak biltzeko kanpaina bat hasi dugu, aurkezten den egoera agerian uzteko eta agintariei neurriak har ditzaten presioa egiteko.

ESKren ustez, garraio publikoak aukera segurua, duina eta jasangarria izan behar du, eta ezin da beste oztopo bat izan beren ahaleginarekin osasun-sistemari eusten diotenentzat. Lanean jarraituko dugu eta langileak mobilizatuko ditugu beharrezko neurriak har daitezen.