Uda honetan, Emergentziak-Osakidetzako Kudeaketa Taldeak 100 aldiz baino gehiagotan utzi ditu herritarrak babesik gabe. Egoera horiek anbulantzia medikalizatuak medikurik gabe uzteari eta 112-Osakidetzako koordinazio-zentroetako langileak gutxienekoen azpitik uzteariekin dagozkie.

ESK-tik berriz ere salatzen dugu egoera horren aurrean egiten ari diren kudeaketa txarra. Emergentziak-Osakidetza oinarrizko zerbitzu bat da, ospitaleetatik kanpo bizitzak salbatzen dituena eta pixkanaka pixkana hondoratzen ari da.

Garrantzitsua da kontuan izatea herritarrek kalitatezko larrialdiko osasun-arreta jaso dezaten ezinbestekoa dela kategoria guztietako lanpostu guztiak betetzea, eta hori ez da betetzen ari duela hilabete batzuetatik hona.

Larrialdiak Kudeatzeko Talde hau hain da negargarria, ezen, medikuen lanpostuak betetzeko irtenbiderik ez dagoenez eta langileen proposamenei jaramonik egiten ez zaienez, erabaki baitu eskualde bateko herritarrak beste eskualde batekoen gainetik babestea dela irtenbidea. Ondorioz, behin baino gehiagotan erabaki dute Debagoienako anbulantzia medikalizatuko medikua beste eskualde bateko anbulantziara eramatea, eta 60.000 pertsona baino gehiagoko eskualdea larrialdi-asistentziarik gabe uztea. Era berean jokatu dute Langraizko, Laudioko eta Gernikako anbulantzia medikalizatuarekin ere.

Era berean, salatzen dugu 112-Osakidetzako zentro koordinatzaileetan ia inoiz ez dituztela medikuen txandak betetzen, eta, beraz, beste probintzia bateko medikuak erantzun behar izaten dituela bizi-larrialdietako deiak.

Kudeaketa-Taldeak hartutako erabakiek eragin negatiboa izan dute pazienteen osasunean eta segurtasunean; ondorio latzak izan ditu herritarren asistentzian: berandu artatutako bihotz-biriketako geldialdiak, 35 minutu baino gehiagora dauden anbulantzia medikalizatuek artatutako erditze goiztiarrak, anbulantzia medikalizatuak iristeko 40 minutu behar izan zituen suteak eta abar.

Arazoak konpontzeko gaitasunik ez duen Kudeaketa-Talde "desagertu" batek ezarritako politika hori, irauli egin behar da. ESK-k urte asko daramatza zerbitzu honen gainbehera eta uztea salatzen, hondamendi egoeran gaude, ezin da pertsonen bizitzarekin jolastu eta horregatik sailburuari eskatzen diogu, Alberto Martínez sailburu jaunak kudeaketa-talde hau kargutik kentzea, herritarrentzat funtsezkoa den zerbitzu honek kalitatezko osasun-laguntza eman dezan eta, horrela, bizitzak salbatzen jarrai dezagun.