Hauteskunde sindikalen epe trinkoan gaude eta sindikatuek beren hauteskunde-makineria martxan jarri dute; izan ere, ordezkaritzaren % 47a berrituko dira Euskadi osoan.

Hauteskunde sindikalak funtsezkoak dira, langileek beren ordezkaritza aukeratzeko une bakarra bait da, sindikatuak legitimatuz haien eguneroko borrokan, lau urtean behin gertatzen den une bakarra; ala ez?


Osakidetzan behintzat ez. 35.000 langile baino gehiago dituen enpresa honek ez du hauteskunderik egin 2013tik.


Benetan ezohiko egoera hau, Osakidetzaren utzikeriak eta sindikatu nagusien gelditasunak bermatuta.


ESK-k urteak daramatza egoera hau salatzen eta Mercedes edo Michelín bezalako enpresetan eta Gasteizko Udala bezalako Administrazio Publikoetan guztiok eskatzen dugun ariketa demokratikoa eskatzen.


Eta ez hori bakarrik, ESK Osakidetzako hainbat esparrutan hauteskunde-prozesuak bultzatzen saiatu da, eta prozesu horiek sistematikoki inpugnatu dituzte, Osakidetzak ez ezik, gainerako sindikatuek ere. Azkenak, urriaren 21ean, ELA, SATSE, LAB, SME, UGT, CCOO eta UTESE sindikatuek, Osakidetzaren eskutik inpugnatu zituzten aurreabisuak.


ESK-tik berriro galdetzen diogu geure buruari; zer interesek lotzen dituzte sindikatu horiek Osakidetzarekin? zergatik gainerako enpresentzat demokratikoa dena ez du Osakidetzarentzat balio? zer irabazten dute sindikatu hauek beren karguei atxikita? zer zilegitasun dute aukeratu ez dituen plantilla baten izenean negoziatzeko?


ESK-k ezin du anomalia demokratiko hau onartu, eta eskura dituen bide guztiak jorratuko ditu plantillari hitza emateko.