ESK sindikatuak, ESI Barrualde-Galdakaoko  gerenteari eta Osakidetzako Zuzendaritza Nagusiari eskatu dio EAG-etako mediku faltari irtenbidea ematea, azken hilabeteetan aldaketak eta egokitzapenak gertatzen ari direlako esleipenetan. EAGko medikuak beren lanaldian tokiz aldatzen ari dituzte beste EAG batzuetan haien txanda betetzeko.

Egoera horrek benetako kezka sortzen du ESI-ko langileen artean, beraiengan duen lan-inpaktuagatik eta egonkortasunagatik. Erabaki hauek haien osasunean eragina izan bait dezake.

EAG batzuk urteak daramatzate lanean, dagoeneko finkatuta dauden lanpostu batzuk plaza-koderik esleitu gabe.

ESK-tik eskatzen dugu lantokietan aldaketa gehiago ez egitea, kategoria kualifikatu gabe duten funtzio eta zereginen gehikuntza etetea eta premiaz giza baliabideen hornidura handitzea.