Mobilizazio berriak DIGIn. Greba orokorra Urriak 14-15-16

Xehetasunak: 2025 urriak 13

DIGIren Gipuzkoako plantilla, Bizkaia eta Arabarekin batera, grebara itzuliko da urriaren 14, 15 eta 16an, ipar eremu osoan deitutako mobilizazioen esparruan, CCOOk eta UGTk sinatutako Estatuko hitzarmena salatzeko eta negoziazioa hemen egin dadila eskatzeko.

"Aldarrikapenak entzun beharrean, enpresak aurrera jarraitu du estatu-mailako hitzarmen bat neurrira ezartzeko estrategiarekin, kostuak merkatzeko eta negoziazio kolektiboa zatitzeko aukera emango diona"

DIGI BEHERANZKO HITZARMEN BAT, ONURA HANDIAK LANGILEEN PREKARIZAZIOAREN KONTURA.

DIGIren Gipuzkoako plantilla, Bizkaia eta Arabarekin batera, grebara itzuliko da urriaren 14, 15 eta 16an, ipar eremu osoan deitutako mobilizazioen esparruan, CCOOk eta UGTk sinatutako Estatuko hitzarmena salatzeko eta negoziazioa hemen egin dadila eskatzeko.

ESKtik ohartarazi nahi dugu hitzarmen honek mehatxu larria dakarrela langileen lan-baldintzentzat eta EAEko 400 lanpostu baino gehiagoren egonkortasunarentzat. DIGI enpresak zabalkundea eta milioi askoko irabaziak izango dituela uste duen bitartean — 82 milioi euro baino gehiago sei hilabetean —, eskubideak murriztearen, lanaldia handitzearen eta soldatak jaistearen kontura egiten du.

Dena okertzen duen hitzarmena

"DIGIren Estatuko Hitzarmena" deiturikoak atzera egin du Gipuzkoan metalaren sektorean erreferentzia den hitzarmenean gaur egun aplikatzen diren baldintzei dagokienez.

Urteko lanaldia 1.695 ordutik 1.756 ordura igaro da, soldatak 17.000 eta 18.500 euro bitartekoak dira, metalak ezarritako 24.000 eurotik 30.000 eurora bitartekoak, eta soldata-igoerak desagertu egin dira, testu berriak 0 euro lineal ezartzen baititu.

Horrez gain, dietak asko murriztu dira: eguneko 23,34 eurotik (400-500 euro hilean) hileko 50 eurora eta 15 eurora 40 kilometrotik aurrera.
Gainera, joan-etorriak ez dira lanalditzat hartzen, eta horrek ordaindu gabeko lan-denbora gehiago eskatzen du.

Hitzarmenak, halaber, guardiak sartzen ditu astelehenetik igandera 150 euroren truke, antzinatasuna kentzen du eta atsedenaldiak eta baimenak murrizten ditu, lan-eredu prekarioagoa eta malguagoa finkatuz, enpresari bakarrik mesede egiten diona.

Amore ematen ez duen plantilla

Joan den urrian, DIGIko langileek greba egin zuten baldintza horiek salatzeko.
Errebindikazioak entzun beharrean, enpresak aurrera jarraitu du estatuko hitzarmen bat neurrira ezartzeko estrategiarekin, kostuak merkatzeko eta negoziazio kolektiboa zatitzeko.

Horren aurrean, DIGIko langileok grebara itzuliko gara. ESK-k hurbileko negoziazioan, lurralde-hitzarmenekiko errespetuan eta enpleguaren duintasunean oinarritutako lan-harremanen eredua defendatzen du.

Prekarizaziorik ez!

DIGIren Estatuko hitzarmena egun dauden negoziazio-esparruak hausteko eta sektore oso baten baldintzak murrizteko beste ahalegin bat da. Ezin dugu onartu milioi askoko irabaziak dituen enpresa bat esplotazioaren eta kaleratzearen beldurraren gainean hedatzen jarraitzea.

Hemen lan egin, hemen negoziatu!/Aski da prekarietatearekin!

Horren aurrean, greba deitu dugu urriaren 14, 15 eta 16rako, ELA, LAB eta CGTrekin batera Bizkaian eta ELArekin batera Gipuzkoan.

HEMEN LAN EGIN, HEMEN NEGOZIATU!