Jasaten ari garen pandemiaren ondorioz ekonomia partzialki gelditu denez, kolektibo asko ari dira sortzen, neurri handi batean autonomoak edo enpresa txikietako eta ostalaritzako enpresariak, eta Estatuaren kontura hainbat kopuru jasotzea eskatzen dute, batzuetan aurreko ekitaldietan irabazitakoaren % 75era iristen direnak.

Inork ez du zalantzan jartzen pandemiak lanpostuen eta diru-sarreren galera nabarmena dakarkiola ekonomia osoari. Horrek botere publikoen esku-hartze egokia eskatzen du, milaka eta milaka pertsonari edo denda txikiri eragiten dien egoera penagarria arintzeko. Argi gera bedi beti osasuna edozein zirkunstantziaren gainetik dagoela eta horri eman behar zaiola lehentasunezko arreta.