Desgaitasuna duen pertsona batek laguntza jakin batzuk eskatu ahal izateko, desgaitasunaren balorazio ofiziala egiten da aldundietan. Desgaitasuna % 65ekoa edo gehiagokoa bada, Kotizazio Gabeko Pentsio (KGP) bat eska daiteke, eta hori ere Aldundien bidez kudeatzen da. Pentsio hori bateragarria izan daiteke Diru-sarrerak Bermatzeko Errentaren (DBE) osagarriarekin. Nahitaezkoa da pentsioa eskatzea horretarako eskubidea izanez gero.

% 33ko desgaitasuna edo handiagoa duten edo mendekotasun-maila duten pertsonen kasuan, DSBErako ezohiko bizikidetza-unitatetzat har daitezke. Hala ere, araudia ez da argia, legean eta erregelamenduan nahasmena baitago gai horri buruz. Argilan-ESK-ren arabera, ez dute ikusi DSBEa arrazoi horrengatik eman den kasurik.

« Itzuli 'DSBErako laguntza praktikoa'