Etendura partziala edo osoa izan daiteke:

1. Etendura osoa: premia ekonomikoko egoeran ez egotea.
2. Etete partziala:

• EAEtik kanpo benetan bizitzea 30 egunetik gora eta 90 egun naturaletik behera urte natural bakoitzean.
• Betebeharrak ez betetzeagatik (29. art. Legea).

Etete partzialak titularraren eta/edo onuradunaren banakako osagarriari eragingo dio. Titularra izanez gero, etenaldiak eragina izango du bizikidetza-unitateari lotutako osagarrian ere (guraso bakarrekoa, pentsioduna, genero-indarkeriaren biktima, sexu-salerosketa eta -esplotazioa, desgaitasuna).

Normalean, etete-ebazpenean etenduraren iraupena agertzen da. Ezin izango da 12 hilabetetik gorakoa izan, DSBE azkentzearen aurrean egongo ginateke eta. Diru-sarrerak bermatzeko errenta jasotzeko eskubidea interesdunak eskatuta hasiko da berriro, edo ofizioz, eteteak iraupen jakin bat ezartzen badu.

Halaber, prestazioa kautelaz eten daiteke (Legearen 47. artikulua) honako kasu hauetan:

• BUko pertsonaren bat EAEtik kanpo urte naturalaren barruan 90 egun baino gehiagoz lekualdatu dela pentsatzeko nahikoa elementu daudenean, modu jarraituan edo ez.

• Erantzukizunpeko adierazpenean faltsutasunari edo ez-egiteari buruzko funtsezko judizio-elementu nahikoak daudenean edo eskatutako dokumentazioa aurkezten ez denean.

• Prestazioaren zenbatekoa ezin denean zehaztu interesdunari egotz dakiokeen arrazoiren batengatik.

Bizikidetza-unitatea adingabeek osatzen dutenean, kautelazko eteteak ezingo dio eragin DSBEaren oinarrizko zenbatekoari.

« Itzuli 'DSBErako laguntza praktikoa'