Eusko Jaurlaritzak etxebizitza duina eskuratzeko prestazioei egindako murrizketen uholdea salatu dute kolektibo sozialek eta etxebizitzaren sindikatuek
Eusko Jaurlaritzak etxebizitza duina eskuratzeko prestazioei egindako murrizketen uholdea salatu dute kolektibo sozialek eta etxebizitzaren sindikatuek
Protesta Eusko Jaurlaritzak antolatutako "Etxebizitza Politikei buruzko Nazioarteko Biltzarraren" inaugurazio ekitaldiaren aurrean
●Eusko Jaurlaritzak etxebizitza duina eskuratzeko prestazioei egindako murrizketen uholdea salatu dute kolektibo sozialek eta etxebizitzaren sindikatuek
●Desagertuko dira Lanbideren Etxebizitzarako Prestazio Osagarria eta gizarte-zerbitzuen Larrialdietarako Laguntzak. Prestazio horien lekua Etxebizitzarako Prestazio Ekonomikoak betetzen du, eta prestazio horrek gutxienez hiru urteko inskripzioa eskatzen du Etxebideren Euskal Etxebizitza Zerbitzuan. Apirilaren 2tik aurrera desagertuko diren bi prestazioak eskuratzeko, ez zen inolako antzinatasunik eskatzen
Bilbo, 2024ko urtarrilaren 29a, astelehena
Gizarte bazterketaren aurkako eta gizarte eskubideen aldeko Argilan-ESK eta Berri-Otxoak plataformek eta Euskal Herriko Etxebizitza Sindikatu Sozialistak protesta egin dute Eusko Jaurlaritzak antolatutako "Etxebizitza Politikei buruzko Nazioarteko Kongresua" inauguratzeko ekitaldian.
Mobilizazioa honen bidez, Eusko Jaurlaritzak etxebizitza duina eskuratzeko prestazioei egindako murrizketen uholdea salatu dute gizarte-taldeek eta etxebizitza-sindikatuek. Etxebizitza eskubideari murrizketak aplikatzen dizkioten bitartean, etxebizitza-politika publikoei buruzko "biltzarra" antolatzeak dakarren fartsaren aurkako protesta.
Argilan-ESK, Berri-Otxoak eta Euskal Herriko Etxebizitza Sindikatu Sozialistatik, Eusko Jaurlaritzak etxebizitza eskuratzeko prestazioen arloan bultzatutako murrizketak salatu nahi ditugu. Denbora daramagu esaten, isilean, hainbat erreforma onartzen ari direla, etxebizitza eskuratzeko prestazioak murrizten dituztenak eta prestazio horiek pertsona eta bizikidetza-unitate prekarizatuenentzat, pobretuenentzat eta kalteberenentzat kentzen dituztenak. Zehazki, funtsezko bi aldaketa aipatzen ditugu:
• Alde batetik, Inklusiorako eta Diru-sarrerak Bermatzeko Euskal Sistemaren Lege berria, joan den martxoaren 29an indarrean sartu zena. Zehazki, "bizilakuaren" kontzeptua birdefinitzen da, eta, beraz, "ez da bizilekutzat hartuko etxebizitza baten titulurik gabeko erabilera". Hau da, titulurik ez duten etxebizitzek – alokairu-kontratua edo jabetza-titulua, adibidez – ezin izango dute DBEa jaso.
• Bestalde, Etxebizitzaren Prestazio Ekonomikoa (EPE) izeneko laguntza berri bat sortzeaz ere ari gara; 2023ko urrian onartu zen behin betiko, eta aurtengo apirilean jarriko da indarrean. Prestazio berri hori ez zaio lehendik zeudenei gehitzen, ordezkatu egiten ditu. Zehazki, DBE-rekin batera eskatu zitekeen Etxebizitzarako Prestazio Osagarria (EPO) eta alokairurako Gizarte Larrialdietarako Laguntzak (GLL) desagertu egingo dira. Laguntzak sinplifikatzeko eta bateratzeko aitzakiarekin, baldintza garrantzitsu bat aldatu da: prestazio berri hori jasotzeko, irizpide saihestezina izango da hiru urtez etenik gabe Etxebiden izena emanda egotea.
Aldaketa horiek aplikatzen badira, ehunka bizikidetza-unitateri eragingo diete, eta milaka pertsona etxebizitza-prestazioetarako sarbiderik gabe geratuko dira. Are gehiago, sektore prekarizatuenak eta pobretuenak izango dira kaltetuenak: Etxebide-Etxebizitzaren Euskal Zerbitzuan hiru urtez izena emanda ez duten pertsonak, azpierrentamenduetan bizi eta logelako erabilera propiorik ez dutenak, alokairu erregularreko kontraturik ez dutenak edo etxebizitza hutsak okupatzen bizi direnak. Hau da, murrizketa-politika horrek zuzenean gehien kaltetutako sektoreak errenta txikienekoak dira; migratzaileak, hilaren amaierara iristeko zailtasun gehien dituzten familiak, enplegu prekarioak dituztenak, gazte langileak, guraso bakarreko familiak...
Horregatik guztiagatik, murrizketen aurka, kriminalizazioaren eta pobretzearen aurka eta pertsona guztientzako bizi-baldintza duinen alde, otsailaren 24rako manifestazioa deitzen dugu. Dei egiten diegu kolektibo sozial eta politikoei, baita pertsona guztiei ere, larunbatean, hilak 24, 12:00etan Eliptica plazatik aterako den manifestazioan parte hartzera.
¡NO A LOS RECORTES DEL DERECHO A LA VIVIENDA!
INSTITUZIOEN FARTSARI AURRE EGIN
