Eusko Jaurlaritza, eta Osakidetza bezalako menpeko erakundeak, Microsoft-ekin estuki lotutako azpiegitura teknologiko baten gainean jarduten dute. Milaka lanpostuk Windows, Office eta Microsoft 365 erabiltzen dituzte; ingurune kolaboratiboak 37.000 erabiltzaile baino gehiagori ematen die zerbitzua.

Mendekotasun hau EJIEren bidez kudeatzen da, Eusko Jaurlaritzaren informatika elkartea, Microsoft-ekin dituen kontratu eta lizentziak zentralizatzen dituena.

Azken asteetan, Microsoft-eko langileek publikoki salatu dute enpresak Israeleko armadarekin lankidetzan diharduela, adimen artifizialeko eta hodeiko biltegiratze zerbitzuak eskainiz, apartheidaren eta palestinar herriaren aurkako genozidioaren testuinguruan erabiltzen ari direnak. Microsoft-eko langile eta langile ohiek osatutako "No Azure for Apartheid" kolektiboak enpresari eskatzen dio Israeleko gobernuarekin dituen loturak haustea. Salaketa hauek barne protestak, kaleratzeak eta Microsoft-en gaineko presio gero eta handiagoa eragin dute.

Eusko Jaurlaritzari dagokio bere hornitzaile teknologikoei giza eskubideekin konpromiso irmoa eskatzea.

ESK sindikatutik honako hauek eskatzen ditugu:

• Osakidetzak eta EJIEk Microsoft-i argibide publiko bat eskatu diezaiotela Israeleko armadarekin dituen loturen inguruan.
• Kontratuen jarraipena etikoki ebaluatzea, gatazka armatuetan inplikaziorik ez duten alternatiba teknologikoak kontuan hartuz.
• Microsoft-en lizentzietan egindako gastu publikoa eta erabaki horiek gidatzen dituzten irizpide etikoak gardentasunez azaltzea.

Osasun publikoarekiko konpromisoa ezin da justizia globalarekiko konpromisotik bereizi. No Tech for genocide.