Lehen Arreta Koordinatzeko Zuzendariordetzak prestatutako dokumentuaren arabera, Osakidetzan Lehen Arretako Jarduera Berreskuratzeko Planaren berri ematen zaie zerbitzu-erakunde guztiei. Plan horretan, deseskalatzeko neurrien artean, manpara motako egitura-oztopoak kentzea gomendatzen da, eta ESKk erabaki horrekin guztiz kontra dagoela adierazten du. Neurri horrek, gainera, Lehen Arretari bakarrik eragingo dio.

Egia da manparak erakunde eta administrazio publiko gehienetara iritsi zirela pandemia horren aurkako babes-neurri gisa, baina Osasun Zentroetan eta Anbulatorioetan aldez aurretik egindako eskaera zen, ez bakarrik aire-bidez kutsa daitezkeen gaixotasunetatik babesteko, baita erasoetatik babesteko ere, eta inoiz ez da kontuan hartu.

ESK sindikatuak koronabirusaren egungo transmisio-fasea manpara horiek kentzeko nahikoa ez dela uste du, eta horren erakusgarri da herritarrei arreta emateko hainbat esparrutan mantentzen direla, bai publikoetan, bai pribatuetan, batez ere administrazio-arloan lan egiten duten pertsona gehienek onartzen ez dutenean.

Beraz, ESK-k egitura horiek mantentzeko exigitzen dio Osakidetzari, bai langileen osasuna babesteko, bai gerta daitezkeen erasoetatik babesteko, bai eritasun horren transmisibilitatea kontrolatzeko.