ESK sindikatutik adi jarraitzen dugu Jon Sanchez Ibarluzea jaunaren izendatze berria, Osakidetzako Emergentzietako Gerente bezala.

 

 

Gure lehenengo balorazioa emergentzietako mundutik eta bere egituraren konplexutasunetik at datorren kargu politikoa dela da. Egoera honek biziki larritzen gaitu, emergentziarekiko suposatzen duenagatik, euskal osasungintzaren egituran oinarrizko zerbitzua izanik.

Jakina da itxaron beharko dugula bere gestioaren balorazioa egiteko, baina gaurtik exijitzen diogu Pertsonal Batzordearekin negoziatzeko gaitasuna izatea bizi dugun lan gatazkari irtenbidea bilatzeko.  Bere aurrekoak ezin izan zuen burutu lan hau eta Batzordeak solaskide berri bat eskatzera behartuta egon zen.

Gainera, zentro koordinatzaileen “balizko” bateratzearen eskenatokiaren aurrean, zein langileek pairatzen dituzten eraso fisiko eta ahozkoen aurrean, langileen, lanpostuen eta hauen segurtasunaren defentsan bere inplikazioa espero dugu zerbitzuaren hobekuntza lortzeko, baliabide egokiekin dimentsionatuz eta hornituz.

Bere konpromisoa espero dugu horretarako. 

ESK Sindikatua