Alberto Martinez Eusko Jaurlaritzako Osasun sailburu berriak Emergentzitako ESIa erreformatzeko beharra nabarmendu du, larrialdiko arretaren eskaera gero eta handiagoa dela ikusita. Horretarako, herritarrei erantzuteko gaitasuna ziurtatuko duten neurriak ezarri behar direla azpimarratu du, Osakidetza Zuzendaritza Nagusiaren menpe egongo den Emergentzitako Koordinazio Orokorraren sorrera iragarriz, larrialdi zerbitzuak bateratu eta hobetzeko asmoz.

Era berean, Elgoibarko, Tolosako eta Donostiako anbulantzia medikalizatuak kudeaketa publikoa edukitzera pasatuko dira. Gaur egun haiek kudeatzen dituzten enpresa pribatuekin dituzten kontratuak amaitzen direnean; horrela, zerbitzu publikoak indartzeko konpromisoa berretsi du.

Jarrera hori bat dator ESK-k aspalditik izan dugun borrokarekin. 2017ko apirilean, ESK-k Kontratu Errekurtsoen Administrazio Organoari (OARC) Donostiako anbulantzia medikalizatuko teknikaria kontratatzeko lizitazioa bertan behera uztea eskatu zion, horrek Osakidetzaren eta Funtzio Publikoaren aldez aurreko akordioak urratzen zituela argudiatuta. OARCek hasiera batean kasua ebaluatu bazuen ere, azkenean prozesua bertan behera uztea erabaki zuen, horrela maiatzaren 31n atzera bota zuen ESKren eskaera.

ESKrentzat neurri hauek urrats garrantzitsuak dira ospitalez kanpoko larrialdietako sistema publikoa hobetzeko eta sendotzeko. eta espero dugu Emergentzietako Koordinazio Orokor honen sorrera negoziazio espazio erreal eta garden baten hasiera izatea, eskaera historikoei erantzungo diena eta Emergentzietako langileen eskubideak errespetatuko dituena.

ESK-k Emergentzietako Koordinazio Orokorrean gerta daitezkeen aldaketa guztien zain gelditzen gara. Dena den, asko dago egiteko. Osakidetzak behar bezala dimentsionatu behar ditu koordinazio-zentro eta base guztietako plantillak, eta oinarrizko bizi-euskarriko anbulantzien zerbitzu pribatizatua itzuli behar du publikora.